ضايق صدري
معذره .. بجلس لوحدي صار ضايقٍ صدري
لا تكلمني تراها حالتي مقلوبه
خاطري متكدر الليله كذا من بدري
واستغفر الله ربي لا تكون عقوبه
منشغل فكري ولا ادري وش شغل لي فكري
المهم إني على ما قيل : صرت أعجوبه
شارد الافكار .. وهجوسي تنادي شعري
كِنّْ خيل الفكر بزحول الحزن مركوبه
مشتعل همي .. وذكّى يوم جاني صبري
ما بقا لي صبر يذكر .. والقوى مسلوبه
ما لقيت الذاهبه ف السامري والحدري
مشغلتني وحدتي ف الفكره المشحوبه
قلت : من قلبي بعد ما ابطيت وشهو عذري ؟
دام همي حطني مجبور دوبي دوبه
من تركتك يا حبيبي والهواجس قبري
والهموم اللي ترازم ف الحشا مصلوبه
صرت متغير كذا ما انته على أول خبري
يوم قلبي كنت تتلهف على مندوبه
آآآآآآآه لو تدري بما ف القلب لك .. لو تدري
قلت : توبه من فراقك يا حبيبي توبه
محمد بن حمدان المالكي
8- 2 - 1428 هـ - الرياض
معذره .. بجلس لوحدي صار ضايقٍ صدري
لا تكلمني تراها حالتي مقلوبه
خاطري متكدر الليله كذا من بدري
واستغفر الله ربي لا تكون عقوبه
منشغل فكري ولا ادري وش شغل لي فكري
المهم إني على ما قيل : صرت أعجوبه
شارد الافكار .. وهجوسي تنادي شعري
كِنّْ خيل الفكر بزحول الحزن مركوبه
مشتعل همي .. وذكّى يوم جاني صبري
ما بقا لي صبر يذكر .. والقوى مسلوبه
ما لقيت الذاهبه ف السامري والحدري
مشغلتني وحدتي ف الفكره المشحوبه
قلت : من قلبي بعد ما ابطيت وشهو عذري ؟
دام همي حطني مجبور دوبي دوبه
من تركتك يا حبيبي والهواجس قبري
والهموم اللي ترازم ف الحشا مصلوبه
صرت متغير كذا ما انته على أول خبري
يوم قلبي كنت تتلهف على مندوبه
آآآآآآآه لو تدري بما ف القلب لك .. لو تدري
قلت : توبه من فراقك يا حبيبي توبه
محمد بن حمدان المالكي
8- 2 - 1428 هـ - الرياض
تعليق