Tweet
أسعد الله جميع أوقاتكم بالخير والمسرات
إعذروني على التقصير
وإليكم هذه القصيده
إعذروني على التقصير
وإليكم هذه القصيده
[poem=font="Simplified Arabic,6,,bold,normal" bkcolor="transparent" bkimage="" border="none,4," type=0 line=1 align=center use=ex num="0,black"]
كم من أهل الطيب في الدنيا تميّز = بالكلام الذرب وأفعال المروّه
عن دروب العز والله ماتحيز = خوته مع من يخاوي خير خوّه
في لقا الغاوين والله ماتهزهز = بينه وبين القسا وصل وعنوّه
يوم بعض الناس وقت الهون غرز = من ردات الحظ يوم إنه ولوّه
ليت أبوه أمسا ولا جابه وركز = تو ماشافه وإذا ماشاف توّه
عجّزوه الناس ولا هو معجّز = ياحليله يرعد الراعد بنوّه
ما أستفاد اللي عليه أقبل وعنّز = والله إنها روحته تشبه غدوّه
يشهد الله مايفيده يوم طبّز = ماتفيده غترته حضرت سموّه
وما يفيد البشت والرقم المميز = دام في دنياه خيره مثل سوّه
العرب بأفعالها صوره تبروز = والهدي ماعاد يشفع له هدوّه
أعرف إن الطالب الناجح محفز = وأدري إن المنحرف شكله مشوّه
والضعيف أحيان يظهر ويترزز = ودّه إنه يعتدل ويشب ضوّه
لكن العاده سعاده لو تحرّز = دايم البوّه بدون شكوك بوّه
وإن تقدم للنشاما ماتجوز = لو طلع طلعه يتممها بهوّه
منبسط والذل في دمه مركز = والذليل يهاب ماعنده فتوّه
وجد حالي يالشلي لامن تنرفز = كن مافي الكون كله غير هوّه
يكفي إنه عند خلق الله معزز = ويكفي إنهم يعرفون إنه مفوّه
وش يبي الرجال في ثوبٍ مطرز = وليه يدخل جو ثاني غير جوّه
أخبر الشايب مع الكبر يتعكز = والشباب إن راح يامصعب دنوّه
ووالله إن الشعر ماهرف وعجز = الشعر مازال في مطلع نموّه
ومن تسمع للقصيده ثم ركز = ما أعتقد يجهل صديقه من عدوّه[/poem]
وسلامتكــم جميـــع
[/align]
تعليق