Tweet
مساجله بيني وبين الشاعر علي بن ربح السبيعي.
قال!
قال!
[poem=font="Simplified Arabic,5,blue,bold,italic" bkcolor="transparent" bkimage="http://www.alnadawi.com/vb/images/toolbox/backgrounds/47.gif" border="double,2," type=2 line=0 align=center use=ex num="0,black"]
من هواجيسٍ على المعنى عطشها=يوم احصل من وفاء الكلمه نوايش
تشتهي شهوة رضيع الديد واشها=دام فالمنهج من المعنى عرايش
كن فوح الذاكره من مادهشها=فوح قدرٍ فوق صلو النار غايش
يوم كلف هاجسي جمعت طششها=رغبتي في مخةٍ وسط المشايش
صعبة المنهاج لبست مرتعشها=صاغها لبس المعاضد والغوايش
مايريح الفكر لامنه بطشها=لين يبطش بالجميله بطش طايش
يامخلي صعبة الارياء هششها=بسمكم يامفرح ابن بداح شايش
لويلمس خدها غيرك خدشها=حرةٍ ماهيب تخضع للكدايش
مقصدي ماجات للغشام مشها=وكم بحر شعراً بعذب النظم جايش
جابها حظٍ كسبها ماكدشها=وانت حظك للكلام الزين حايش
يامفر ح قصةٍ يبلش بلشها=شايفٍ شوف الهوايل والفتايش
من سمع صوت الجنازه في نعشها=قصةٍ منها سليم الفكر دايش
هالني يوم اقبلت واسمع وقشها=تفتح البيبان وتهز الدرايش
قال ياحلاق روس الناس نشها=قال نشها واما أنا ماني بنايش
لن بعض الناس صيدة من كفشها=جاهلٍ مغرور واعظامه هشايش
شوكةٍ ماهيب تتعب من نقشها=مير انا مانيب ادور للبايش
جزت من ناسٍ مربيةٍ شوشها=لابسينٍ للمشاكل لبس قايش
القلوب السود مايبرى غششها=من مدورة النشب شفنا البلايش
مروحة بقعاء محركةٍ ريشها=مايعيش أللا المراوي والمرايش
اقلب الصخره ولاتامن حنشها=دام راس الداب تحت الصخر عايش
علي بن ربح بن مصلح=[/poem]
قلت !
[poem=font="Simplified Arabic,5,green,bold,italic" bkcolor="transparent" bkimage="http://www.alnadawi.com/vb/images/toolbox/backgrounds/45.gif" border="double,2," type=2 line=0 align=center use=ex num="0,black"]
من هواجيـسٍ تسر اللي نبشها= صرفها مثل الذهب مابه غشايش
تنتعش لامن راعيها نعشها = بالكلام الزين ماهو بالبكايش
يا هجوسي حضـّر افكارك وحشها=وأضمن الكبوت وإلإ اللعــب كايش
القوافي كلـّها علي أقـترشها= ما تبقى غير صلفاتٍ خشايش!
ترجم القصه وبرمجها وعشها= لـمّ شمل المستذيرات الخرايش
والـتحف بأقوى دروعك وأفترشها= لـ اقتحام اسوار تفكيك القمايش
والمطاريش البعيده من طرشها= يتعرض للمعاسر والعتايش
يا علي وش هالكلام الزين وشها= البيوت اللي زهت بيض القمايش
صغـتها صوغ الذهب فـ أفخم ورشها=ونقشـت لك فوق زينات النقايش
والتكلف يا علي زود وششها= من يمين ومن يسار ابها وشايش!
مير مهما صار فيها ما مخشها= الجميله ما تبين ابها المخايش
الهنوف الفاتنه لآبـّدتّ بششها= تسحر العشاق وتشب الهوايش
دارها علي بمهارة ما ربشها= وطلعت كالمســك في وسط الغرايش
يا علي خل الفقارى في عششها= لايهمونــك مجمّــعة القشايش
الخبول اللي مصررتن بـقشّـها= مابها غير الدوادي والمتايش
اترك الجرباء ولا تطلى وقشها= عمر ابوها ما تطيب من الوقايش
العيون الطمش معروفٍ طمشها= لـوّ تغطـّيها كثيفات الرمايش
والحقيقه عشرها غير احدى عشها= ما يزود نقـّصها مرشي ورايش
مفرح بن بداح=[/poem]
تعليق