تحية طيبة وإليكم هذه المتواضعة راجيا أن تحوز على القليل من الرضى ..
صلوا على النبي
صلوا على النبي
[poem=font="Simplified Arabic,6,royalblue,bold,normal" bkcolor="transparent" bkimage="" border="none,4," type=3 line=0 align=center use=ex num="0,black"]
من دارس ٍ يدرس ومدروس درسه=وليا حدر سيله من الجال للجال
ومن طاري ٍ عالبال تجتاح هجسه=خصب العروق ويمطر الفكر همّال
أعوذ أنا بالله من شر رجسه=وأعوذ أنا بالله من عايل ٍ عال
وقت الجهل أجهل من الجهل نفسه=ووقت العقل عقـّـال .. لا قيل عقـّـال
ودام الفتى ماغيّب الوقت شمسه=ما شوف له في موطن الذل منزال
حق ٍ عليه يعيش يومه مع أمسه=ويفكّر فباكر ليا قيل رحال
وعيب ٍ عليه إيمّد لل ن ذ ل خمسه=أو ذلة المليون أو ذلة ريال
يبقى الذهب لو راود النفس طفسة=أما الشرف مكاسبه دايم جلال
أقولها واللي حصل صعب طمسه=يبقى مثل زلزال ياويّ زلزال
ومن لاعج ٍ بالقلب قد طال حبسه=حبس السجين اللي غشى عقله هبال
وجدي على منهو طواغيت خرسه=تـُورِد غني الحظ غبّات الأهوال
العين لو ماهي من العام يبسه=كان انحدر دمعي على خدي وسال
بعض الدروب إتجيك شينة ودنسة=وبعض الدروب تفيد لو كانت طوال
وتالي دروب الشر لابد نكسه=لاينفع الصاحب ولاتنفع حبال
واللي مشى بالخبث تاليه خفسه=علّه إلى من طاح لاقام ما أحتال
يقوله اللي شاف الأيام شرسه=الحزن فيها جم وإهمومها ثقال
إحمس لنا من البن ياسعود حمسه=ثم بهّره بالهيل ياطيّب الفال
يجلى عماس الراس لازاد عمسه=قم جهزّه بالحال ثم صب فنجال
قهو الذي ياجعل مايغيب حسّه=عمره طويل وفدوته مني الحال
المومن اللي ماكذب يوم حدسه=راع الكرم والجود محمود الأفعال
مايجني إلا الطيب من طيب غرسه=أبوي راع الطيب ويطول لا قال
ما أسمع حكي غيره ولا شوف طمسه=وعيوني الثنتين فيها له ظلال
يغنيك عن هرج المطافيق همسه=من واحد ٍعالحق ماقيل ميّال
وقت العقل أعقل من العقل نفسه=ووقت الجهل عاقل ليا أنجن عقـّـال
يفداه حيّال ٍ به النفس نمسه=ويفداه خيّال ٍ ليا قيل خيّال
يامن جعل بالكون جنّه مع إنسه=تعين فكـّـاك النشب ذرب الأقوال
يقوله اللي دار فالبال هجسه=وليا حدر سيله من الجال للجال[/poem]
تعليق