تبطي عظم

متواضعة.. كتبت للرد على الشعراء الذين تهكموا بقصائدهم على
الشاعرات ولا علم لي بماهية السبب مما دل على دنو المستوى الفكري لديهم معَ الأسف..
وعذرا للأنقياء فقط .. وإلى ذلك الصنف أقول

[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]


بعض البشر طبعه من الزين مقهور=واكبر دليل اسمي ينرفز جنابه
إن عاش راسي لَنْحت الشعر بصخور=وانثر شعوري فوق عالي سحابه
كيفي على كيفي وكيفي له حضور=كيفٍ على وضح النقا يحتذابه
حرفٍ ثمين ومحكم السبك محكور=نهج فريد ومعتمد في كتابه
هذا بعض شعري اذاجاك منشور=يا جاهل ٍ فكره بيمناه عابه
ولولا الحيا والله لاجيك بسطور= واعلمك صدق الشعر من كذابه
ياشاعرٍ ابطى قصيده عن النور=ظلام حرفك ماينيره شهابه
صحة لسانك يوم تبدع ومشهور!!=لافض فوك اللي بطرقه ربابه
ابدعت في شعرك كٍذا شاعر الحور!!=لجل الحسن وأهل الحسن فك بابه
شرع الهوى مدروس والقلب مفطور=وكل المشاعر ترتعش في غيابه
حاشاك لا لا منت بالوصف مغرور؟!=يمكن ثقه من زودها في غَرابه
مثلك سليل للنوابغ ولك دور=نظم القصايد مع سموك نهابه
بس انتبه لا تغضب النفس وتثور= المدح يا ما ناس تعشق سرابه
دقيت باب الشاعره شبه مخطور=والظاهران العقل فاقد صوابه
تبطي عظم يا راعي الظلم والجور =توصل مواصيل النشامى الذيابه
والعفو لو حرفي تعدى ومعذور=لكن لزوم انشد وقت المجابه
الشعر له مبدأ وله وزن وبحور= ومبداي في شعري أحصل ثوابه
روح وجسد والهيئه إحساس وشعور=وشعري ربى بيني وبينه قرابه
علمته ان الطيب في القول ميسور=وعلمته المعنى وفن ّالخطابه
علمته ان الكِبْر لو جاه محظور=وعلمته السيره ونهج الصحابه
كذا كذا شعري من سنين مخبور =والحمد لله محتشم في ثيابه
ماني من اللي تكتب الحرف بالزور= وماني من اللي ذي صورها تشابه
لي َّ الفخر دايم على مر العصور=دام ابن فاضل عزوتي لي مهابه
ومن لا قراشعري فلا هو بمجبور= ومن مر صدفه ماحسبنا حسابه[/poem]

الله الله الله

صح لسانك رد قوي ولا اظن احد يتجرأ يتكلم على شاعراتنا اذا سمع هالقصيده

الشعر له مبـدأ ولـه وزن وبحـور
ومبداي في شعري أحصـل ثوابـه



الشعر له مبـدأ ولـه وزن وبحـور
ومبداي في شعري أحصـل ثوابـه



الشعر له مبـدأ ولـه وزن وبحـور
ومبداي في شعري أحصـل ثوابـه


صح لسانك والشعر مشاعر واحاسيس وليس حكرا على جنس والابداع حليف العطاء وقطاف الموهبة




صح لسانك ودمتي بعطاء

كذا كذا شعري من سنيـن مخبـور
والحمـد لله محتشـم فـي ثيـابـه

ماني من اللي تكتب الحرف بالـزور
وماني من اللي ذي صورها تشابـه

لي َّ الفخر دايم على مـر العصـور
دام ابن فاضل عزوتي لـي مهابـه

ومن لا قراشعري فلا هـو بمجبـور
ومن مر صدفـه ماحسبنـا حسابـه





كفوووووووووووووووو ياحنان


وصح الله لسانك الى يوم يبعثون


ونعم بك وبقافك ولابتك يالاصيله



تحيتي وغلااااااااي

كذا كذا شعري من سنيـن مخبـور
والحمـد لله محتشـم فـي ثيـابـه

صح لسانك يالنشميه

صح لسانك

ياحنان

قصيده جميله

وفي محلها

والشعر بحر ماله ساحل

ولايقتصر على جنس دون الاخر الشعر

موهبه من رب العالمين او وراثه

في النساء وفي الرجال

والمستويات تفاوت من شاعر الى شاعر ومن شاعره الى شاعره

والله يوفق الجميع

حنان
صح لسانك
رائعة دائما
تحياتي

الله الله الله

صح لسانك رد قوي ولا اظن احد يتجرأ يتكلم على شاعراتنا اذا سمع هالقصيده

محمد الحويله

صح بدنك يالطيب

والف شكر لكرم مرورك

بارك الله فيك

ولاهنت

الشعر له مبـدأ ولـه وزن وبحـور
ومبداي في شعري أحصـل ثوابـه



الشعر له مبـدأ ولـه وزن وبحـور
ومبداي في شعري أحصـل ثوابـه



الشعر له مبـدأ ولـه وزن وبحـور
ومبداي في شعري أحصـل ثوابـه


صح لسانك والشعر مشاعر واحاسيس وليس حكرا على جنس والابداع حليف العطاء وقطاف الموهبة




صح لسانك ودمتي بعطاء

سعد المشاوي

صح بدنك يالطيب

والف شكر لكرم حضورك

بارك الله فيك ولاهنت

حنان



صح الله لسانك



نص شامخ وابداعى والابداع منك لايستغرب



والشعر النسائي لايشكك به الا جاهل




تحياتى

,
,
,
,

شاعرتنا
حنان


الشعر النسائي ليس بالحدث الجديد

ولا يشكك في مكانته سوى عقيم التفكير

صح لسانكــ
كفّيت ِ ووفّيت ِ


أخــوك
,
,
,
,

الاخت حنان آل فاضل

صح لسانش واعتلا شانش

رايعه بروعة حضورش

راقيه ومعبره

تقبلي احترامي ومودتي

كذا كذا شعري من سنيـن مخبـور
والحمـد لله محتشـم فـي ثيـابـه




كفو كفو ياحنان


صح الله لسانك وثقي يانقيه إنه لايرمى إلا الشجر المثمر



الله يحفظك

السلام عليكم ورحمة الله وبركاته


الشاعرة القديرة : حنان آل فاضل



صح لسانك وبيض الله وجهك ..



الرد قاسي والقضية هامة جدا ..



تزامن وجود الشاعرة في كل وقت مع وجود الشعر ..




الإحساس والموهبة ليست حكرا على صنف من البشر دون الآخرين ..




والشعر ليس حكرا على جنس دون الآخر .. هكذا هي المعادلة ..



[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
إن عاش راسي لَنْحت الشعر بصخور=وانثر شعوري فوق عالـي سحابـه[/poem]



هكذا يجب أن يكون التحدي ..



وهكذا يجب أن يكون الهدف والطموح ..




بالتوفيق الدائم شاعرتنا القديرة ..



مع التقدير ..

كذا كذا شعري من سنيـن مخبـور
والحمـد لله محتشـم فـي ثيـابـه
ماني من اللي تكتب الحرف بالـزور
وماني من اللي ذي صورها تشابـه
لي َّ الفخر دايم على مـر العصـور
دام ابن فاضل عزوتي لـي مهابـه
ومن لا قراشعري فلا هـو بمجبـور
ومن مر صدفـه ماحسبنـا حسابـه


صح لسانك

ونعم فيكم وفي بنات الأجواد


رد قوي وواقعي

تقبلي اطيب الامنيات