السلام عليكم ورحمة الله وبركاته
مساء الخير أوصباحه
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يوم شفت الليل مقبل دون قمراه ونجومه=قلت للخفاق وجه الضيق يقريك السلامي
إستشم الجرح يادنياي والنفس إمهمومه=يالله إني في رجا رحمتك لازاد الملامي
الملام اللي عجزت أقواه واقاوم هجومه=وجد حالي يوم أحس بضرب سيفه بالعظامي
هب ياحظٍ خذا النعّاق في علياه حومه=مايجملني ولا يغزابه بيوم الزحامي
ضج صدري من هجوسٍ جاتني كومه وكومه=ليت ماشرفت عقب عصير في راس السحامي
كنت أحسب إن البنادم يردع الدمع بكمومه=يومي أرخيت الجفن للدمع وأعلنت إنهزامي
من تقفته الرياح وراااح كيف أرجي قدومه=إستريحي يا عيوني من ترقابه ونامي
شيبت عينٍ من الأوناس والضحك إمحرومه=مالقت عينٍ تبادلها الغلى والإحترامي
كل ماصافحت يمنا قلت بيضا وإمحشومه=وأثر ما كل اليماني طلق وعزاز وحشامي
التجارب غصت في غباتها عومه وعومه=وخذت منها اللي خذاه العود أبو تسعين عامي
ويشهد الله مافتر حيلي بها وأنهك عزومه=كون فرقاً مابعدها لاسلام ولا كلامي
والله إن يبطي رفيق الجنب ما تقفاه لومه=لوحي له ياغصون الشيح بالود وتوامي
كيف ألومه جعل ربي ما ينسيني علومه=محزمي يوم الهبايب هوج والميقاف حامي
من عرفت العلم وأنفاسي من الصد إمهزومه=خل عاد اللي ليا زليت ما زحزح مقامي
إستدار ولايزال الوقت يسقيني سمومه=وأتجرع من سموم الغبن لو مانيب ضامي
ماجداي إلا أتحرى الليل وأراقب نجومه=لين أوصل خافقي من ضيقتي كل السلااامي[/poem]
وسلامتكم
تعليق