صباح / مساء الخير على الجميع ,,
بعد انقطاع بسيط ,,
نعود بمتواضعه ,,
فاقبلوهــا
[rams]http://uk.geocities.com/k_wd3any/alf6aa.rm[/rams]
[poem=font="Arial,5,DarkSlateBlue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
.
.
.
.
.
.
الفضا واسع ولكن الحقايق بي تضيق = والصبر شمعه تطفّيها نسانيس الهموم
.
والفرح دمعة عزيز ٍ خالطت مرّ الشهيق = والحزن ضحكة يتيم ٍ ضاع عمره في حلوم
.
والبحر طاغي وظالم ماسمع رجوى الغريق = وضاع ثار الميّت اللي ماعرف مرّه يعوم
.
والعلوم اللي تباريني على ذاك الطريق = عرّضت وجهي على لفح الهبايب والسموم
.
والذهب وشهو الذهب لولا مدارات البريق = والرجل وشهو الرجل لو مايعدّ من القروم
.
والزمن دارت دواليبه على الحرّ الطليق = والنشايب ليتها ترضى بحبّات الخشوم
.
والسعه في عين مهموم الزمن عادت لضيق =والردي وش تنفعه بيض الثنايا والهدوم
.
والرفيق اللي هقيته بالشدايد لي رفيق = الزمن ارخى حزامه وارتخت فيه العزوم
.
وانكشف وجه الحقيقه وانقطع حبل ٍ وثيق = وانثلم سيف المراجل والشكاله والسلوم
.
والضماير تحتضر والمحتضر أزرى يفيق = والجمايل ثابته تبقى مثل نصب الرجوم
.
والطمينه ترتفع لو تختفي قمّة طويق= والشجاعة تنهزم لو زادت اعداد الخصوم
.
واختلط بالغابة القشرا زئير ٍ مع نهيق = وانهدر دمّ النشاما وانحفظ دمّ الرخوم
.
والشدايد بيّنت وجه المعادي والصديق = والنعايم والحوايج عند قضّاي اللزوم
.
واحدن سبحانه منجي الخليل من الحريق = منزل الغيث ومغيث الخلق من دمع الغيوم
.
والفرج لو هو من عْباده حشا مانستفيق =
.
.
.
.
.
.
.
.
.
ياكثر من يحسدك حتّى على كثر الهموم
.
.
[/poem]
محبتي للجمــيع
تعليق