Tweet
السلام عليكم ورحمة الله وبركاتههذه المتواضعة نتاج رسالة جوّال وصلتني من أخي ورفيقي راجح بن محمد أبو خريص الجبيري الأكلبي
[poem=font="Simplified Arabic,6,,normal,normal" bkcolor="transparent" bkimage="" border="solid,4,limegreen" type=2 line=1 align=center use=ex num="0,black"]
أهلاً هلا ياطيّب العرف والفال=اعداد ماتنبت فجوج الفيافي
يابو محمد جعل تفداك الأنذال=أهل الضعافة والفعول العجافي
والخزوة اللي همّه بجمع الأموال=ووقت الشدايد يختفي مايشافي
عفن اليمين اللي هروجه تدهوال=مابين قوله والفعايل تنافي
هذاك ماينفع ليا حدّك الجال=وستره مع الظفران ماهوب ظافي
ولاب بيته للمطاليق مدهال=النور في بيته على طول طافي
خلّه بعيدٍ منك لو هو ولد خال=لاهوب شقّاقٍ ولاهوب رافي
جبان همّه جمعة القرش وريال=هجن الجمايل عنه دايم مقافي
إن كان تبغي راحة القلب والبال=فأنسه ولا توريه صد وتجافي
حيه ليامن جاك وإن غاب لاتسال=وأحشم جنابك من زلابه وهافي
وأحذر على عرضك من القيل والقال=وزلّة لسانٍ يقتفيها قوافي
وفي الطيب لاتسمع عذل كل عذال=لوكان تمشي دايم الدوم حافي
تكسب جميل وسمعةٍ بين الأبطال=وتحيا وذكرك عند الأجواد وافي[/poem]
وسلامتكم
تعليق