السلام عليكم ورحمة الله وبركاته ..
قصيده جديده أتمنى مروركم عليها وتسعدني ملاحظاتكم
قصيده جديده أتمنى مروركم عليها وتسعدني ملاحظاتكم
[poem=font="Simplified Arabic,6,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black"]
سبحان من سواك يالدر الثمين=وخلاك للشارد تثير الانتباه
مجرد أنك تبتسم وأنا حزين=قطرة ندى طاحت على جمرة غظاه
ومجرد أنك ترتمي بين اليدين=جسم ٍ توفى وأرجعت فيه الحياه
فارقتني وأوقظت بي جرح ٍ دفين=من دون ماتدري نفضته من سباه
أثر الهوى له جرح مع مر السنين=يبقى كما لغم ٍ يبعثر من وطاه
مليت من همي ومليت الحنين=ومليت من ضحك ٍ يخالطه أشتباه
لولا الحيا والعيب جريت الونين=وسجيت رجل الشوق في كل أتجاه
ماقول غير الله على الفرقا يعين=الله يعين المبتلي في مبتلاه
الحب بلوى في قلوب العاشقين=كم عاشق ٍ من عشقته بيّح خفاه
ياصاحبي والشك يقطعه اليقين=عطني سبب واحد يبرر هالسواه
أما تجي والقلب لك حصن ٍ حصين=والا تواعدني وعد فيه أشتباه
بس المهم أعيش في جوّك يازين=لو كان قلبي ماتحقق له مناه[/poem]
أخوكم / خالد عزيز الديحاني
[/align]
تعليق