[poem=font="Simplified Arabic,5,teal,normal,normal" bkcolor="transparent" bkimage="" border="double,4," type=0 line=1 align=center use=ex num="0,black"]
،،،،،،،،،
وااعيني اللي ضناها دمع فرقاكم=ماتمرح الليل من حزنن ومن لوعه
عيني بها الشوق من أيام ترجاكم=ومن كُـثـْر شوقي بها الأوجاع مزروعه
وياقلبي اللي قضى عمره بيهواكم= ماشاف في حبكم راحه ولا روعه
ياما زرع من أمل في يوم يلقاكم= وامسى وأمانيه بالخسران مبيوعه
وياعقلي اللي غدا فكره بليّاكم= تايه وضاقت عليه الأرض ووسوعه
ياما حسب من حساباته لعيناكم=وزادت خساير حساباته ومشروعه
وياروحي اللي ضناها الوجد تبغاكم=ضجت وصارت بها الأحزان مطبوعه
حسّت بزود الغلا من قبل رؤياكم=والروح بالروح عند الله مجموعه
والله ماعاد ضلع إلا وناداكم= حتى المعاليق بالنيران موجوعه
اصيح كلي على كلي وأنخاكم=وش يطفي النار والأضلاع مولوعه
الله بلاني بكم واحب لاماكم= والشوف من فقدكم ضاقت به ادموعه
ياللي سكنتوا بوجداني وحيّاكم= مامل منكم ولا هي عادة اطبوعه
لكن حكم الزمن اخفى محيّاكم= عنّي.. قطع هالزمان وزادت اقطوعه
وجع بقلبي سكن من يوم فرقاكم=وعيّا الوجع لايطيب ولا اختلف نوعه
من يوم غادرتكم والروح تنعاكم= واحس روحي من الجنبين منزوعه
ياليت من شافكم هالليله وجاكم=وكحّـلْ بكم شوف عينه واطرب اسموعه
وشم ريح العطور اللي تغشاكم= وذاق منكم لذيذ الشهد وجروعه
وتروى عروقي بكم وارتاح واياكم= وانام واملا العيون وتبرد اللوعه
,,,,,,,,,,,,
[/poem]
،،،،،،،،،
وااعيني اللي ضناها دمع فرقاكم=ماتمرح الليل من حزنن ومن لوعه
عيني بها الشوق من أيام ترجاكم=ومن كُـثـْر شوقي بها الأوجاع مزروعه
وياقلبي اللي قضى عمره بيهواكم= ماشاف في حبكم راحه ولا روعه
ياما زرع من أمل في يوم يلقاكم= وامسى وأمانيه بالخسران مبيوعه
وياعقلي اللي غدا فكره بليّاكم= تايه وضاقت عليه الأرض ووسوعه
ياما حسب من حساباته لعيناكم=وزادت خساير حساباته ومشروعه
وياروحي اللي ضناها الوجد تبغاكم=ضجت وصارت بها الأحزان مطبوعه
حسّت بزود الغلا من قبل رؤياكم=والروح بالروح عند الله مجموعه
والله ماعاد ضلع إلا وناداكم= حتى المعاليق بالنيران موجوعه
اصيح كلي على كلي وأنخاكم=وش يطفي النار والأضلاع مولوعه
الله بلاني بكم واحب لاماكم= والشوف من فقدكم ضاقت به ادموعه
ياللي سكنتوا بوجداني وحيّاكم= مامل منكم ولا هي عادة اطبوعه
لكن حكم الزمن اخفى محيّاكم= عنّي.. قطع هالزمان وزادت اقطوعه
وجع بقلبي سكن من يوم فرقاكم=وعيّا الوجع لايطيب ولا اختلف نوعه
من يوم غادرتكم والروح تنعاكم= واحس روحي من الجنبين منزوعه
ياليت من شافكم هالليله وجاكم=وكحّـلْ بكم شوف عينه واطرب اسموعه
وشم ريح العطور اللي تغشاكم= وذاق منكم لذيذ الشهد وجروعه
وتروى عروقي بكم وارتاح واياكم= وانام واملا العيون وتبرد اللوعه
,,,,,,,,,,,,
[/poem]
[/align]
تعليق