بسم الله الرحمن الرحيم
صلو على النبي
صلو على النبي
[poem=font="Simplified Arabic,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الله يبلى كل حيٍ في حياته بامتحان = وانا امتحاني حلم ليلٍ ماعرفت أفسّره !!
ياليت ربي ماكتب لي في مقادير الزمان =أرحل مع المجهول في دنياً علي متعسّره
مادري صحيح العلم وأضمنها على حظي ضمان = وأرتاح في دنياي من قلب العنى واجسّره
ولاّ مع الاوهام تلعبّي على روس البنان = وأنا كما حرٍ نثر ريشه بكف موسّره
رمعة معانيها توردني على خضر الجنان = في خاطري .. والغيب والمقسوم عند ميسّره
تسمو كما يسمو النظر وأقرا لها سحر البيان = وتغاب عنّي واتخيلها معي متيسّره
احلم وأنا صاحي وحالي مثل حال الغيهبان = عظيم لكن وجه حظه للوفوق معسّره
يانور عين اللي على وضح النقا سرّ وبيان =ما قال غير الصدق لو نفس الهوا متحسّره
أسئلك باللي نزّل القران في شهر رمضان = على النبي يتلوه جبريل الملك ويفسّره
إن كان في قلب الغلا للمهتوي قدر ومكان = لاتبخلين بكلمةٍ كنّك بها متخسّره
وأنا عميد العاشقين اللي مداعيج أصفهان =على شبا سيفي سهوم أهدابهن متكسّره
لاشك رمحك ياغناتي سبق سيف ابن ابان = دك الفؤاد اللي ورا عوج الضلوع مدسّره
ماصابني من رمش عينك صابني كف الحنان =اللي تمدينه خفا وأنتي علي متجسّره
والله .. لو عمري ميه ولاّ عشر ولاّ ثمان = إني على عزّ الشباب أيمّنه وأيسّره
وإني سليل أهل الأشده والقلص والجبخان =اللي تضد القوم والراس العنيد تكسّره
أموت بالعزّه ولا يشمت علي ن ذ ل وجبان = ولا أطمع إلا عند روس للحفيف مخسّره
وأنا ادري إنك بنت عود لا يهاب ولاّ يهان = محشومةٍ مانتي لجلباب العفاف محسّره
وأدري بقلبي مايطيب ويمتلي فرحه وأمان =إلا معك يامهجتي والنفس بك متفسّره
وان ماجلبك الحظ فالله القويّ المستعان = راحت حياتي حلم ليل ماعرفت أفسّره[/poem]
ودعتكم الله
[/align]
تعليق