(((((( تغيرت لليام والوضع والناس)))))) ؟ 45 %

صبحكم الله بالخير ياوجيه الخير النداويه والمتابعين هذه

قصيده بسيطه وسهله يجيد كتابتها حتى اللي ماهو بشاعر ارجو
ان تحوز على ربع رضاكم والله يوفق الجميع لما يحب ويرضى

تغيرت لليام والوضع والناس

*************** كلن تغير يالله المستعاني

العام كان الوضع طيب و لآباس

***************ماكان فيه اللي حصل ذاالزماني

والعام هذا شفت اناالوضع منحاس

*************** واللي زرع عشرٍ حصدها ثمانــي

شفت البشر في عدة اشكال وجناس

*************** مابين زين وشين جبت البيانـي

احدٍ علومه في القا ترفع الرأس

*************** له في بيوت العز قدر ومكانـي

وحدٍ علومه لدناسه ودنفـــــاس

*************** تلقاه دايم في المكان الطماني

وحدٍ مع اهل الطيب في كل مجـلاس

*************** احبال عزه بالمراجل امتـــاني

وحدٍ على نشر الحكي يضرس إضراس

*************** يرتاح للنمه طويل اللســــاني

وحدٍ كريم وخان به دهر ألأ فلاس

*************** تلقاه من جور الليالي يعـانـي

وحدٍ بخيل وعنده المال بكياس

*************** بخيل نمامٍ لئيمٍ جبـــــــانـي

وحدٍ شجيع وفوق رأس الخطر داس

*************** يوم القا يصهل صهيل الحصـانـي

هذاك له في معتلى المجد نبراس

*************** له مطلعٍ يشبه سهيل اليمــانـي

محزم ظفر ماله حدودٍ ومقيــاس

*************** عزٍ لربعه قرم عند العــــواني

الله يجيره من عناء الهم والباس

*************** وان مات جعله في رياض الجناني

والآ الردي ماله مقراً ولآ سـاس

*************** لآتنخدع في صحبة القلبــــانـي

تراه ماينفعك لاصرت محتــــأس
*************** للكايده ومثالها مايــــدانـي

كبه وكن في عالي الرجم قرناس

*************** وبسط يمينك مع اطوال اليمـاني

وصلاة ربي عد ماهب نسنـــــاس

*************** على الرسول اللي تلقا البياني
.........
.........
.........
تمت وسلامتكم

اخوكم المخلص

حسن المسعودي

صح لسانك

وحدٍكريم وخان به دهر الإفلاس
تلقاه من جور الليالي يعاني.
صدقت ...وبيض الله وجهك وانا اختك
وانا اقول وش ذا البياض اللي صافحني.على هالصبح؟الله يسعد صباحك

[nashama]

الأخ الغالي حسن المسعودي



بيض الله وجهك على هذه القصيده الجزله والمعنى السامي والقصيده

ماهي سهله ولابسيطه مثل ماتقول ولاكن هذا من طيبك وحسن ذاتك

واذا كانت سهله فإنها من السهل الممتنع الذي لايخفاك ماكل شاعر

يجيده .


لافض فوك


تحياتي

أخي / حسن


قصيدة معبرة وجميله ..وتراها ماهي سهله

ما يكتبها الا خبير بالقصايد وخبير بالناس .



تحياتي وأعجابي .

السيـــــــــــــــــــــــــــــــــــــــــــل

والآ الردي ماله مقراً ولآ سـاس

*************** لآتنخدع في صحبة القلبــــانـي

تراه ماينفعك لاصرت محتــــأس
*************** للكايده ومثالها مايــــدانـي

كبه وكن في عالي الرجم قرناس

*************** وبسط يمينك مع اطوال اليمـاني

وصلاة ربي عد ماهب نسنـــــاس

*************** على الرسول اللي تلقا البياني






حسن المسعودي





صح لسانك انت شاعر متمكن


ومعانيك جزله وقليل اللي يجاريك




ولا ينقصك ياكون الاعلام


تحياتي اخوك الوفي: ابو منذر

مســـاك الله بالخير يا ابوعلي اعذرني لتأخري فالرد ،،


وصــــــــــح لســـــــــــانك وبيض الله وجهـــك الحقيقه


اعارضك يوم تقول يقـدر يكتبـها اللي مهو شاعــر ، وشلون؟


يقدر وراعيــها انت يالمسعودي ،، الله يرضالي عليك بــس


قصيـــده جزلـــه فالمعنى وما يهم السهل الممتنع اللي كاتبها


عليــه ، معناها اكبــر وصورها التعبيريه اكثــر والاكثر من


هذا كلــه انك راعيـها ، لاهنــت ياابوعلي وماقصـــرت .



وتقبل من اخوك عيسى القلادي كل تحية وتقدير .
























المهنــــــــــــــــــد

صح إبدنك اختي الغاليه جرح العيوف شكراً للمتابعه وتقبلي اجمل

التحايا من اخوكي المخلص

حسن المسعودي

اخوي الغالي : اخو النشاما مرحبا بك من عندي لحد بابك وبيض الله

وجهك على هالكلام الطيب يالطيب

اخوك المخلص

حسن المسعودي

مرحب يالسيل شرفتنا بالمتابعه اشكرك من القلب على الثقه فينا وبيض الله وجهك

وتقبل اجمل التحايا من اخوك المخلص

حسن المسعودي

مرحبا يالسيف هلابك يالغالي والأعلام انشاء الله ماهو مقصر مع من يخدم هذا الماروث الشعبي اتمنا ان نوفق في خدمنه جميعاً

وشكراً للمتابعه

اخوك المخلص

حسن المسعودي

.. الرائع : حسن المسعودي

.. انت دايما رائع وما تكتب رائع اتمنى لك التوفيق ومن نجاح الى نجاح باذن الله

.... صح السانك

.... وتقبل تقديري

مرحبا بخوي الغالي عيسى (المهند) الله يمسيك بالخير والعافيه

وانا قابل اعتراضك يالغالي ولكني ارى في نفسي انني لم اقدم

الشيء المطلوب حتى ألآن في خدمة هذا التراث الغالي

وعذرك سمين يالغالي وفي الختام تقبل السلام من اخوك المخلص

حسن علي المسعودي

[تم تعديل الموضوع من قبل المسعودي بتاريخ 06-19-2001 الساعة 07:06 PM]

استاذي الغالي سهيل الله لآيهينك على كل هذا المديح وبيض الله وجهك يالغالي وكل كلامك يعتبر اوسمه وضعتها يدك الكريمه على صدري لآهنت يالنشمي

تلميذك / حسن علي المسعودي