الطـــــيـــر وإن ضــــــاق..له حومه وتحليقي..
إلى من عز علي لقاؤها
:
:
:
وطال في القلب بقاؤها
:
:
:
إلى
(رفـــــــــيقـــــــة دربـــــــي)
:
:
:
وطال في القلب بقاؤها
:
:
:
إلى
(رفـــــــــيقـــــــة دربـــــــي)
[poem=font="Simplified Arabic,5,white,bold,normal" bkcolor="transparent" bkimage="http://www.alnadawi.com/vb/images/toolbox/backgrounds/21.gif" border="double,6,white" type=2 line=1 align=center use=ex num="0,black"]
يافارج الهم فـرّج همـي وضيقـي=إفرج لنفـس كبيـر الهـم طارقهـا
ياكـن نـار تواقـد فـي معاليقـي=أفز من مرقدي مـن حـرّ حارقهـا
وكن الخناجر تشق القلـب تشقيقـي=سبة هنوف كتـب ربـي مفارقهـا
أقفت وأنا أشوفها بيـن المخاليقـي=تبكي..وأنا أبكي ودمع العين غارقها
الشمل لـو يجتمـع تاليـه تفريقـي=مانيب راضي ولكن كيـف أبفهقهـا
ماينفهق ماقسـم والـي المخاليقـي=والقسمه اللي من الله طيب أوافقهـا
لاشك حزني عميق ومنـه ماأفيقـي=وهموم بقعـا غزتنـي ذي بيارقهـا
أصبّر الحال دونك ميـر ماأطيقـي=دنيـاي دونـك ثقيـلات دقايقـهـا
يانور عيني..باأوثّق لـك مواثيقـي=ماأنساك..والشمس لو تخلف مشارقها
ماأخلفت في كلمتي والقول تطبيقـي=والرب يشهد على الكلمـه وناطقهـا
يالغاليه من هي اللي عقبـك تليقـي=عقبك فلا أبغى رفيقه لأجل أرافقهـا
القلب طير كفخ وضلوعـي تعيقـي=عاقت مطيره..وجنحانـه يصافقهـا
الطير وإن ضاق له حومه وتحليقـي=ياطير ياطير..وضلوعـي أبفتقهـا
ياطير دج بالخلا غـرب وتشريقـي=دوّر غناتي عسـى عينـك توافقهـا
سلّم عليها..وقـل دمعـي مدافيقـي=لعيونها..باأنثـر الدمعـات وأدفقهـا [/poem]
وسلامتكم
تعليق