**** الاســـم الــــمــــستعــــار ***

السلام عليكم ورحمة الله وبركاته

متواضعه للتواصل..

اتمنى ان تحوز على اعجابكم
.

[poem=font="MS Dialog,5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
شفت السعد مقفي وشفت الشر دوبه مقبلي=ياللي يمين من المسار ولحظه يسار المسار
المشكله كبرى وكبرت من زمنها الاولي=وبعض العلوم الطايله عنها تكفينا القصار
الله يعين الصابر ويفرج هموم المبتلي=ويعز متعبة السلوم ويمحق قصار العمار
ما قال كلمه ناقصه ياكود قاصر واجهلي=اللي يذم اهل الوفا من خلف الاسم المستعار
دايم ردي الرابعه طبعه ردي ومغفلي=يبغى الستر لكن موه واخفق وطار الستار
وإنكان ولد اللاش طاش وشاش معه الهجولي=فالله لكم يامتعبين الجيش وسباق المهار
اللي لو يحل اصغر الهشال تذبح له طلي=فطره من المولى وسلمٍ زين من زين الشنار
ياهيه لو تجنب جنوب الدار والا تشملي=مالك عن المكتوب والله لامفر ولا مطار
اللي ترعرع فالرفاه ولا تخلوى فالخلي=ماظن يمسك مقبض السيف الحدب لو قيل غار
اخذ الرساله ودها يابو علي لخو علي=ثم اشرح الخطه ولا آوصيك قلها بإختصار
ماباقي إلا دمعةٍ تذرف ونارٍ تصطلي=وكلمه يرددها ضعيفٍ عاش في ظلم وحصار
الثار روح مع كليب التغلبي يامهلهلي=لو حلمك الأول والآخر تاخذه مافيه ثار
ياراجي السقيا ووبل المزن عيا ينزلي=ماهي برائة الإختراع ولا وسام الأبتكار
اما تعل الدلو لين يفيض من جيز الدلي=والا تصلي ركعتين يقال مسلم واستخار
إن درهمت غير الشداد الزين مالك منزلي=وإن ابركت مالك خشير فالسنام وفالفقار
وإن خبت ياللي ترتجي بيبان دونك تقفلي=ترى الهزيمه في بعض لحيان شبه الإنتصار
ارفع يدينك للسما عل الغمامه تنجلي=مادام تنشد ويش صار وقيل لك ماشي صار
يوم اهلكوك اهلك وهلكو لاتعاين في هلي=مات الولد في ساقة الشايب ويرجون الحوار
لو صحت من واد الرمه يوحيك من يقطن حلي=وذابت حيود الضلع قبل مسببات الإنصهار
إنكان ماجاك الفرج عد العدد تنازلي=والقفله القشرا تجي بالشيش والا بالجهار
قد قيل ماحل العقد ياكود منهو يفتلي=قمتك بكره ياجبل وشهي لو البركان ثار !!
اثر الشجاع الظفر قدم الفارس المستبسلي=ثوبه من الضيقه خطير يطير من جيبه زرار
لو لك جمل تقدر تكرر ثم تكرر (ياجملي)=سوات من ينخا جمل ثم جاه وانزاح الغبار
اللي حصل لك من خلاله عارفٍ مستقبلي=وانا بربي مومنٍ والنار تالع من شرار
والجنه الجنه لكن ماتحصل إلا نعملي=واصل المصير المنتظر فالآخره جنه ونار[/poem]

وسلامتكم
.

سعد .. صح الله لسانك

قصيده رائعه

قرائتها واستمتعت بقرائتها ولي عوده للقراءه مرات ومرات

تقبل تحيات اخوك

الاخ محمد بن صاهد


صح بدنك ومن قال يسلم


شرفني مرورك يالغالي


لاهنت لاهنت

.

صح الله لسانك يابوعبدالله

عز انك ابدعت

لو ان شهادتي فيك مجروحه

جعل خيرك واجد

لاعدمتك

حسين العبدي

صح بدنك

ووجهك ابيض يالغالي

لاخلا ولا عدم

.

[frame="1 80"]دايـــم ردي الـرابـعـه طـبـعـه ردي
ومـغـفـلـييبغى الستـر لكـن مـوه واخفـق وطـار الستـار
وإنكان ولد اللاش طاش وشاش معه الهجولـي
فالله لكـم يامتعبيـن الجـيـش وسـبـاق المـهـار
اللـي لـو يحـل اصغـر الهشـال تذبـح لـه طـلـي
فطره من المولى وسلمٍ زين مـن زيـن الشنـار
ياهيـه لـو تجنـب جـنـوب الــدار والا تشمـلـي
مالـك عــن المكـتـوب والله لامـفـر ولا مـطـار

سعد

صح الله لسانك

وبيض الله وجهك

نص شامخ وشاعر متمكن

لا هنت

تقبل تحياتي
اخوك

ابونايف[/frame]

صح بدنك يابو نايف

ووجهك ابيض يالقرم

شرفني مرورك ورايك لاعدمتك

ولك تحياتي

.

الاخ الغالي بحر

صح بدنك وبيض الله وجهك

مرورك يشرفني وكلامك كله وسام على صدري

لاخلا ولا عدم يالقرم

.

المشكله كبرى وكبرت من زمنها الاولي
وبعض العلوم الطايله عنها تكفينا القصار
الله يعين الصابر ويفرج هموم المبتلـي
ويعز متعبة السلوم ويمحق قصار العمار


سعد

صح لسانك وصح قلبك

قصيده وافيه ومن راس وافي

لاعدمناك ولا عدمنا حضورك

تقبل تحياتي


مشهووور...

ابو فارس

صح بدنك لاعدمتك

وكلامك وسام وشرف لي

لاهنت لاهنت

.