السلام عليكم ورحمة الله
متواضعة للتواصل
متواضعة للتواصل
[poem=font="Simplified Arabic,6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
في جامعة حظي درسـت وتعلمـت = بالغربلـه والهـم نلـت الشهـاده
ياما وياما في دروسـي تشيطـرت = بالقاعـه اللـي تمتلـي بالبـلاده !
لنّي مع اطيـاف البشـر ماتلونـت = سقـت العمـر للبهذلـه والقـراده
لاباس ياقلـبٍ سكتـت وتصبـرت = اموت ولايشمت جنـاح الجـراده !
ماني ضعيف ولابعمـري تمسكنـت = وشعري فلا يحمل حروب الإبـاده !
لاصرت مرضانٍ عن الناس جنبـت = مابي احد يعطف علي فـي فـواده
ان شفت درويـشٍ ابـد مااتريقـت = والا القوي ماله لوى فـي عنـاده !
وان خاطبن رجلٍ فهيمٍ ترى صـرت = مثل الطفل لامـن غفـى بالوسـاده
حالي بحالي وان عوى الوقت زلزلت = اقدام مـن يملـك زمـام القيـاده !
يامجتمـع قلـي علامـك تبدلـت ؟ = حتى لك الله فـي امـور العبـاده !
يامجتمع يامنحدر ويـن حـدرت ؟ = شوف المواطن مغترب فـي بـلاده
تبي دليل انـك خربـت وتدلعـت ؟ = ماتشوف احمد يزهمونه حمـاده ؟!
وان جيت لعيار الدلع في غنج بنـت = مثال / مزنه ماتبـي غيـر غـاده !
يامجتمع بعض الكبايـر تصاغـرت = المرجله تقـوى ومربـى وعـاده !
حتى ولو قالـوا علامـك تجننـت = جاهل / ومتحجر / ورجعي زيـاده !
يامرحبـا بالجاهلـيـة اذا كـنـت = رجـلٍ تشـرّف لابتـك بالـريـاده
لاتحسبوني مـع حبيبـي تزاعلـت = كـلام واضـح مايبـي لـه إعـاده
ان كنت مخطي لاتقولـون احسنـت = وان كنت صايب مرحبـا بالإشـاده
هـذا لأنـي بالشـعـر ماتكلـفـت = يجي مثل خطوا الختـم بالشهـاده !
في جامعة حظي عرفـت وتعلمـت = ان البليد بهالزمـن فـي سعـاده !![/poem]
[/align]
تعليق