قمة عربية من نوع أخر
صلوا على سيدنا محمد شفيعنا يوم الحشر اللهم صلي وسلم عليه
...............................................
...............................................
[poem=font="Simplified Arabic,5,black,bold,normal" bkcolor="transparent" bkimage="" border="none,4," type=1 line=1 align=center use=ex num="0,black"]
إجازة اليومين من قبل يومين=هذي ورى هاذي بزور "المنامة"
وأدق سلف "الفوورد" في يوم "الاثنين"=بعد الدوام اسرجه وامسك لجامه
من يرحمه ***** لو يمشي "2000"=لو كان يهلك ثم تفنى عظامه
مدام لي حاجة وأبي شوفة الزين=ما عاد فيها يا "ابن مسفر" سلامه
هات "الجواز" وحاذر إتقول لي وين=لا شفتني جيت "وعصبة العمامة"
يا ليتني يا خوك طير بجناحين=ما أشيل هم "الجسر" واشكي زحامه
ولا "الدول" ما بينها غير شبرين=واحس بأنفاسه تسابق كلامه
"وأعلامنا" يا ليتها بس "لونين"="خضار" قلبي مع "حَمار" ابتسامه
يعني "الرياض" بوسطها تشوف "بحرين"=وأهل "المحرق" يكشتون "الثمامه"
"والسيف" لو وصفتك إياه ما بين="المملكة" و"الفيصليه" أمامه
ولا اقولك ليتنا بس بيتين=بيتي . وبيته وسط بيتي مقامه
والأفضل إنا بس بالكون الاثنين=يعني "غطا وفراش" وارقب منامه
وارفع يدي للمزن وأقول تكفين="جودي بدمعك" وإسرفي يا غمامه
ما غير أنا وياه وضلالنا بين=والليل يذبحهم إذا اقبل ضلامه
إذا رمش قلت إصبري يا غلا لين=أودع عيونك واسوق الملامه
وإذا انتبه قلت "إرحبي 1000" واهلين=بالغايب إلي غاب وابطى علامة
وانا عليه نذر ما ترمش العين=من باب تقديره وفرط احترامه
هذا اجتماع الحب ما بين "قوسين"=فيه التنازل رمز لأهل الزعامة
ولا "العروبة" تجتمع بين دورين=دور "الكرامة" بعد فقد "الكرامة"
والله صعبه "نجتمع" نقضي الدين=أو نتفق من قبل يوم "القيامة"
"لا يصلح العطار" ما صار من شين=و"العشب" عله والمرض في "حسامه"
...................
محمد بن دوشان
[/poem]
تعليق