شاعر المليون ..!
السلام عليكم ورحمة الله وبركاته
حروف جمعها الكيبورد فصارت ابيات
ارجو قبولها ..!
حروف جمعها الكيبورد فصارت ابيات
ارجو قبولها ..!
[poem=font="Simplified Arabic,6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياصاحبي لو للشعر قانون ؟!=يحمي الشعر من موجة الافلاس
ماكان شفت الوضع صار شلون=ياهو مدمر ياخي ومنحاس !
شف كيف جانا شاعر المليون=واحيا التعنصر والفخر بالساس !
وخلا الاوادم صاحي ومجنون=وصار النحاس يساوي الالماس
فكرته صح .. وصاحبه ممنون=بس البلا تفكير بعض الناس
والمشكلة هالناس مايدرون=طبل مع العالم ودرب الراس
شف كيف خلق الله يتمارون=مفكرين ان الشعر نوماس !!
ياخي .. لو ان الشعر فيه عيون=وخالقه رب الكون فيه احساس ؟!
بتشوف كيف الناس يختلفون=وتؤمن بأن الناس ذي اجناس
تبغى تعرف الشاعر الدندون=اللي بشعره يعتبر نبراس ؟!
لاتلتفت للشعر مهما يكون=لو شعر ابي الطيب وابو نواس
او شاعر ابومالك وابن لعبون=لاتحسب انه يعتبر مقياس
عليك بالافعال والمضمون=والدين حطه داخل الاقواس
هاذي وصوف الشاعر الدندون=اللي بشعره يعتبر نبراس
اما مساوئ شاعر المليون=اثارة النعرات بين الناس[/poem]
تعليق