(المكشات)

اخواني عشاق النداوي اسعد الله اوقاتكم بالمسرات
آسف على الانقطاع الغير متعمد اخذنا عنكم الربيع
اليكم هذه الابويتات فالمكشات

[poem=font="Simplified Arabic,6,white,normal,normal" bkcolor="transparent" bkimage="http://www.alnadawi.com/vb/images/toolbox/backgrounds/21.gif" border="none,4," type=2 line=0 align=center use=ex num="0,black"]
لاضاق صدرك سج الاقدام وأغبش = ان كان تقدر عن مشاغلك تنحاش
وقدام من كثرت مشاكلك تبلش = وقدام لاتوضع جنازتك بالشاش
خذلك ثلاثه من جماعتك وأطرش = عجل مسيرك مع غطاليس الاغباش
ياقطعك يارجل حياته على فش = اللي قضى معظم حياته على ماش
الطير مايصبح به الصبح فالعش = لو ينتظر تجيه الارزاق ماعاش
سج القدم عن ضيقت البال وأنحش = اخذ لنفسك بأول العمر مطراش
وليا وصلت الديره الطيبه عش = لو مامعك غير المعاميل وفراش
اللي علاها من حقوق الحيا رش = الديره اللي رشها الله برشاش
شوف السحابه برقها غرب يرعش=وممشٍ مع النبت الخضرينعش انعاش
ثم نزل العزبه من الجيب وأفرش = في روض ماطبوه رواد الادباش
ومن المرابع شف الخيمتك وأبرش = ابرش لهاالمربع ترى الارض ببلاش
وترا بداية ولعت النار في قش = قرب حطبك وولع السمر بقواش
واخذ من القهوه ملا يدك وأهبش = واليا حمست البن دقه بمهباش
بريتةً ولراعي الكيف تنعش = شقراً ليا صبيتها تبرد الجاش
ولياتقهويت الضحى والعرق بش = جالك على الرحله نشاط وتنعناش
علق خروفك وأصلخه وقطع وطش = في قدرك اللي فوق نارك بعد غاش
ولاقصرت نارك تحت قدرك ونش = ياماحلا الكبسه تنشنش تنشناش
نبي بعد ناكل غداك انتعرمش = واللي بقى من بعدنا عظم وعراش
ومع القصايد والسوالف ندردش = ماهي مع اهل الحكم والصن والكاش
نبعد عن اهل النصب والكذب والغش = يضحك معاك وقلبه اسود وغشاش
اللي مجالسهم مثل طش ومطش = ناس سوالفهم مثل طاش ماطاش
الياتعشوا صحن منتو ويغمش = واليافطروا على جلكسي وفش فاش
واحدهم اعمى قلب وضعيف واطمش = دايم على غرات الاجواد طماش
عايش صحيح ومثل الابكم والاطرش = رعديد جايله من الخوف هشاش
اللي عن اوجيه المفاليح ينخش = ازوال اوادم بس من داخل اخياش
قدوتهم الفنان راشد وبوالهش = اللاش يبقى طول عمره وهو لاش
الدين ناقص عندهم والحيا هش = ودك تصبحهم بشوزن ورشاش

صقر المعتاد[/poem]

صقر

صح السانك ولاهنت

قصيده طيبه من راس طيب

لك تحياتي

الشاعر صقر المعتاد



صح لسانك وعلاشانك



لك تقديري

صح لسانك صح لسانك
مع خالص التحايا

/


\

صح لساااااانك

جزله وقافيه لايتقنها الا المبدعين

تقديري

/

\

الغالي حسن الوطري

صح بدنك

هلا وغلا