السلام عليكم جميعا ً
والتواصل معكم .. مكسب
ضمّني بغفى على صدرك وانام
كني طفل ٍ وانت تلعب في يدي
بشرت ّ بك مزن ّ .. واسراب الحمام
وأنجذب ّ لك ..من عروقي واقتدي
إنسكب ّ فيني .. وذوّب في العظام
خل ّ ليل ٍ بين .. شعله .. وبردي
إحرق اللّهفه ... على سور اللثام
واستتر بالشوق والعشق احمدي
ان بدا لك هم ّ .. سدّل بك وحام
أشّهبه .. بسهيل ولا ّ ..بالجدي
ريح عطرك .. بدّل انفاسي .هيام
ودّي أغرس .. كف ّ .. بالخد ّ الندي
في عيونك خيل .. وسيوف وسهام
وفي نحرك الغي ّ والذنب ّ.. المدي
جيتني .. وتشيلك .. اكفوف الغمام
والقمر والشمس .. يمّك.. شرّدي
والله ان البعد عن شوفك حرام
خلّني ضايع بعينك ّ واهتدي
لو ّ .. اعاتب .. ردّها .. برد وسلام
تدري إني .. في وصالك سرمدي
ما يعبّر لهفتي .. عذب الكلام
غيرها.. شوق ٍ يهيّجن ويحدي
يا ملاذ القلب .. في ليل الظلام
يا رحابة ّ صدر ّ .. فيني جرهدي
ما يموت ّ الحبّ .. من سيف الخصام
دامني أهديت خفّاقي .. فدي
يا معلمنّي .. مفاهيم .. الغرام
والله انك .مطمع ّ اليّ وازّهدي
ناحت الورقا ..على ظلوع ٍ حطام
عقب ما خارت ّ عزومي .واجهدي
لا تفارقني .. وانا وسط ّ ..الزحام
كل ّ لحظه تنتهي فيك ابتدي ..
الهوى يضربّني من تحت الحزام
عادته ماهوب .. طيّب .. وأجودي
ضمّني .. تكفا .. على صـدرك.. بنـام
خايف ٍ من .. بعد ّ .. والحظ ّ الردي
[/align]
تعليق