اللي يحب أمه يدخل هنيا
للألم حقوق علينا واسيرة نجد تظهر بعض حقوق الام في هذه القصيدة الرائعه
أمي عسى كل ا لمنايا تعداك
........................ عندي على كل البشر زاد قدرك
يضحك زماني يوم تضحك شفاياك
........................ يا جعل هالبسمه على طول عمرك
امي حياتي كلها رهن يمناك
........................ والله لا أرخصها .. ولاهيب قدرك
ما احد تحملني ولا ذاق الاهلاك
........................ وشاف العذاب وصار في وسع صدرك
وارخص لنا الغالي وكلمته يفداك
........................ غيرك عسى ربي يعظم لنا أجرك
والله .. لو حجيت طالبتن رضاك
........................ ما الحق جزاك الله يطول بعمرك
ياجعل يومي قبل ما اذوق فرقاك
........................ أموت أنا والا احس ضيقه بصدرك
سعادتي تكمل بشوفت محياك
........................ والقى الحنان ألوان منبعه صدرك
حبيبتي جعل المنايا تعداك
........................ فعلا على كل البشر زاد قدرك
شعر ( أسيرة نجد )
تعليق