فراشات الشعر !!
كل نورٍ يجذبه ويطيح في لاهوبه
يرتمي ف النار يسعى ما درى وش صاير
لين خلته الصحافه ف الزمان اعجوبه !!!
تحرقه حتى ويصبح في ورقها باير
فوق صفحات المجله صار مثل العوبه
وآخر ايامه تشوفه من علومه حاير
بعد ما شرب المقالب ف الزمن مقلوبه
صار دمه من سبب ما قد حصله فاير
والقصايد ما اصبحت عند العرب مطلوبه
صار يسعى من مجله لا مجله داير
يعرض ابياته ولكن ما التفت حد صوبه
منحرق شعره وغيره في طريقه ساير
كل يوم يطيح شاعر عقب ما ضحوا به
يا لبيب العقل خلك للصحافه زاير
لا تكثّر في حضورك ثم تصير عقوبه
والحكم يصبح بحقك بعد هذا جاير
واعتبر من واحدٍ قد قال منها توبه
لا تعوّد مثل شاعر ما درى وش صاير
لين خلته الصحافه ف الزمان اعجوبه !!!
محمد بن حمدان المالكي
26/1/1428
[/align]
تعليق