عقال الوعد

عقال الوعد

عيبٍ علينا لا وعدنا الرياجيل
نخلف وعدنا والوعد سيف وعقال
سيفٍ على الجهال نقالة القيل
وعقال للعقال ذربين الافعال
والوعد .. عند أهل الوفا والبهاليل
مفروض مهما ما جرى والزمن طال
والوعد كلمه .. لو تنبه لها الجيل
يبذل لها الغالي على كل الاحوال
من لا يقدّر كلمته لعتم الليل
بكره تحيّن له وياتيه عيّال
وتوقفه بين الدرك والغرابيل
يكعمه ردٍ ما خطر له على بال
ما يخفر الميعاد غير المهابيل
واللي يخَفْر الوعد ما هو برجال



محمد بن حمدان المالكي

20/1/1428

محمد

صح السانك ولاهنت

نص رائع من رائع

لك تحياتي

الشاعر محمد المالكي



صح لسانك وعلاشانك



لك تحياتي

عشت يا محمد



وصح لسانك



قلت وابدعت




وافيه وانت وافي



تحياتي

أخوي محمد بن حمدان المالكي

صح لسانك وسلم فكرك

رايعه بروعة حضورك

لك فائق احترامي وتقديري

ابو حمدان


صح لسانك وصح قلبك

قصيده وافيه ومن راس وافي

وحضورك هنا يابو حمدان مكسب ندرك حجمه جيدا


لاعدمناك ولا عدمنا هذا الحضور الغالي



مشهووور....

أحبتي
الوطري
بن عسكر
بن شفلوت
الحبابي
شاعرنا الحربيب شايع العيافي
لكم مني كل التقدير والمحبة

للرفع إلى الأعلى