Tweet
السلام عليكم ورحمة الله وبركاته
اسعد الله كل اوقاتكم
بدون مقدمات ناتج تفاعل لعل وعسى تنال على القليل من استحسانكم
لكم مع التحيه
[poem=font="Simplified Arabic,5,,normal,normal" bkcolor="transparent" bkimage="" border="none,4," type=1 line=0 align=center use=sp num="0,black"]
الجو غايم وهذا اللي تمنيته=عشان اصيغ بقصيدي هاجس ٍ جاني
يجن فكري وشعري مع عفاريته=ويسوق حسي على الابيات شيطاني
والشعر تعبير عن نفسك ان ابديته=ناتج تفاعل طرف اول مع الثاني
احساس في داخلك لو انك اخفيته=وعلم وثقافة وترتيب ٍ بالالحاني
ويزود شعرك اذا بالعلم غذيته=وسجيت (خطوة فكر)في كل ميداني
وبخاطرك من دلال النقد قهويته=عشان تعرف حروفه كيف تنصاني
والفكر روض ٍ وكل شاعر مع رعيته=يسوق شعره لـ (حسه) كل الازماني
احدن يغني على طرق الهوى بيته=ويجر صوته على مدعوج الاعياني
واحدن حياته معنّيته ومشقيته=ويضيع فكره مع القاصين والداني
واحدن اذا قلت له شاعر وناديته=يطير من فرحته من دون جنحاني
كنك عطيته من الالماس واهديته=صك القوافي ودوره فيها سلطاني
يبحث عن الشهره ويعلن لأمسيته=وبلا منازع يقول الشعر عنواني
ولا جيته بتنصدم في شكله وصيته=وتلقى كلام ٍ مكسر دون ميزاني
ولوك تعرفه (بلا حقران) ما جيته=مير العرب دايخه والعرض مجاني
وكلن يغني على حجمه وتربيته=وللناس فيما تبي اشكال وألواني
ومادام كلن له احساسه وأمنيته=بكتب لكم صادق احساسي ووجداني
بسوق للشعر احساسي لاغنيته=كني أهلي وأرحب بأغلى ضيفاني
يعني لمن صار في فكري وحييته=ياحي ذا الحس لا جاني وحيّاني
مادام فكري عن الزلات أحميته=وصديت عن كلمة ٍ لفلان وفلاني
وحفظت حقي وحق الغير أديته=وأدركت بأن العذر ماهوب نسياني
وراع الوفا والنقاء بالطيب خاويته=وعديت ربعه واخوانه من اخواني
وفي دفتر المعرفة والصدق أسميته=صديق صادق صدوق بطبع الانساني
وراع الردى بالعقل والصد جازيته=مانيب احسّب خطاه بـ ـسر واعلاني
للعادل القادر المعبود خليته=والله وحده تعالى يعّرف الجاني
دايم وانا اعطي وفا ما اقول ياليته=ماهمني دام طيبي (والعمر فاني)
وصلاة ربي عدد حجاج ٍ لبيته=على رسول الهدى من نسل عدناني[/poem]
اخوكم
مناحي المقنع السبيعي
اسعد الله كل اوقاتكم
بدون مقدمات ناتج تفاعل لعل وعسى تنال على القليل من استحسانكم
لكم مع التحيه
[poem=font="Simplified Arabic,5,,normal,normal" bkcolor="transparent" bkimage="" border="none,4," type=1 line=0 align=center use=sp num="0,black"]
الجو غايم وهذا اللي تمنيته=عشان اصيغ بقصيدي هاجس ٍ جاني
يجن فكري وشعري مع عفاريته=ويسوق حسي على الابيات شيطاني
والشعر تعبير عن نفسك ان ابديته=ناتج تفاعل طرف اول مع الثاني
احساس في داخلك لو انك اخفيته=وعلم وثقافة وترتيب ٍ بالالحاني
ويزود شعرك اذا بالعلم غذيته=وسجيت (خطوة فكر)في كل ميداني
وبخاطرك من دلال النقد قهويته=عشان تعرف حروفه كيف تنصاني
والفكر روض ٍ وكل شاعر مع رعيته=يسوق شعره لـ (حسه) كل الازماني
احدن يغني على طرق الهوى بيته=ويجر صوته على مدعوج الاعياني
واحدن حياته معنّيته ومشقيته=ويضيع فكره مع القاصين والداني
واحدن اذا قلت له شاعر وناديته=يطير من فرحته من دون جنحاني
كنك عطيته من الالماس واهديته=صك القوافي ودوره فيها سلطاني
يبحث عن الشهره ويعلن لأمسيته=وبلا منازع يقول الشعر عنواني
ولا جيته بتنصدم في شكله وصيته=وتلقى كلام ٍ مكسر دون ميزاني
ولوك تعرفه (بلا حقران) ما جيته=مير العرب دايخه والعرض مجاني
وكلن يغني على حجمه وتربيته=وللناس فيما تبي اشكال وألواني
ومادام كلن له احساسه وأمنيته=بكتب لكم صادق احساسي ووجداني
بسوق للشعر احساسي لاغنيته=كني أهلي وأرحب بأغلى ضيفاني
يعني لمن صار في فكري وحييته=ياحي ذا الحس لا جاني وحيّاني
مادام فكري عن الزلات أحميته=وصديت عن كلمة ٍ لفلان وفلاني
وحفظت حقي وحق الغير أديته=وأدركت بأن العذر ماهوب نسياني
وراع الوفا والنقاء بالطيب خاويته=وعديت ربعه واخوانه من اخواني
وفي دفتر المعرفة والصدق أسميته=صديق صادق صدوق بطبع الانساني
وراع الردى بالعقل والصد جازيته=مانيب احسّب خطاه بـ ـسر واعلاني
للعادل القادر المعبود خليته=والله وحده تعالى يعّرف الجاني
دايم وانا اعطي وفا ما اقول ياليته=ماهمني دام طيبي (والعمر فاني)
وصلاة ربي عدد حجاج ٍ لبيته=على رسول الهدى من نسل عدناني[/poem]
اخوكم
مناحي المقنع السبيعي
[/align]
تعليق