ماحد عن فعايل( يام )ساهي

اخوي الغالي ابو زياد

صح الله لسانك و اعتلا شانك

قصيدة وافيه و عزالله يستاهل المدح ابو جعشه وانات وافي

تحياتي لا عدمتك

اخوك

ابو نايف

حضورك اسعدني

لاعدمتك يالقرم

صح لسانك


انت تستاهل


وابو جعشه عطاياه البل

ضاوي
صح لسانك وتستاااااااااهل اكثر
قصيدة تنومس راعيها فلا نستكثر عليها قعود وبكرة

ولا يهون ابو جشعه

لاهنت

زلك التحية

صح صح صح صح لسااااااااااااانك ملاييييييييييييييييييييييييييييييييييييييييييييييييييييييييي يييييييييييييييييييين





انا والله اللي ششت







انت ياضاوي كفو واللي انت منهم ولايستغرب منكم هالشي وبيض الله وجهك



وابو سعيد قدها واقدود ويستاهل وفعوله تنومس راعي لطامه

الغالي ضاوي
سلم الله فكرك

وصح قلبك ولسانك

ولاهنت
ونعم في المادح والممدوح
دمت برعاية الله وحفظة

اخواني النداويه
السلام عليكم
وكل عام وانتم بخير

[poem=font="Simplified Arabic,6,,normal,normal" bkcolor="transparent" bkimage="" border="groove,6,seagreen" type=0 line=0 align=center use=ex num="0,black"]
بشـّرُوا بالوسم قنـّاية الناقه =والديار المبطيه في تحرِّيها
جابه اللي يكرم الخلق بارزاقه =ويحيي الديره بعَد موت افاعيها
أرسله رحمه لبدوٍ على فاقه =بالدعا ترفع يدَيها لواليها
جاهزٍ سَرَّا بتدبير خلاقه= ليلته من عصر للفجر محييها
بالبروق اللي على ساق لهّاقه =في مقاديم المزون ومثانيها
تنتهب نوم المولع من احداقه =والقلوب تتلـّها من عروايها
صبح غدرانه تطارخ وصَفـّاقه =والطيور مغرّده في شواطيها
يصبحون البدو للطرش سوّاقه =والمزارع ما لهم لدّةٍ فيها
في مجاكر والمغاتير سَبّاقه =كنـّها تطوي البسيطه بأياديها
للبيد وشيلة الصوت لحاقه =ما تغث بسَوقها كبد راعيها
قدمها السندا الشناح امّ خنـّاقه =فوق ورك الركبي ارخت لواحيها
أشهد ان الوضح بالدلّ فرّاقه =وفوق زين طبوعها الرب حاليها
ومن تمكن حُبّها داخل اعماقه =يرخص الغالي على شان يرضيها
من غلاها لو يطق التعَب ساقه =ما وقف في نحورها عن مناويها
من طلوع النور لين ادرق اشفاقه =مَرّ يسبقها ومَرٍ يباريها
لين نبت الوسم تقطف من اوراقه =فى الرياض اللي تداحم مراعيها
والتعَب ينساه ويضيّع ارهاقه =حين ترخي رُوسها في مفاليها
ويلتفت للبيت ويشيّد اشناقه =في رفاع الارض ماهوب واطيها
ولا استوى مبناه ثم دوكر ارواقه =وربعته رتب صبيّه مراكيها
شبّ ناره والحطب عجّل احراقه =والمعاميل النظيفه مدنـِّيها
وزيّن الدلـّه وفنجالها ذاقه =دلةٍ عَلى مزاجه مسوِّيها
لا اختلط حاذق طعَمها بترياقه =سجّ عن حاضر همومه وماضيها
واشترى اللي ما لها فى الشحَم طاقه =قطعةٍ من عند شاوىٍ مربِّيها
حطـّها في الشبك ثم رزّ معلاقه =في حَرا رَبع ٍ تعزه ويغليها
أو طروشٍ للمعازيب توّاقه =الطراقي يبشرون بنقاويها
عند من لا جَوه ما تقفل اخلاقه =يبتهل واهل الريَا ما يراييها
يذبح ويمنح ولا قلـّت اوفاقه =وحِلـّته ما دبّر الضيف شانيها
متبع منهاج حَمّاية الساقه =الرجَال اللي بعيده مغازيها
مثلهم رجم النقا بالقدَم واقه =ومن مكاسب كفه الروح مرهيها
والعمر فاني والاقدار تفـّاقه =والحياة الله عليم بتواليها[/poem]

هذه القصيدة سبق نشرها في ( فيّ وهجير ) جريدة اليوم
وهي عامه وليست موجهة لاحد ولكن باحد المجالس الطيبه
طلبت مني وعديتها وكان من ضمن الحضور محمد بن سعيد ابو جعشه
وشاش وقال على الطلاق ان لك بكره وقعود وقلت وانت لك قصيدة
فيك وفي ابلك


[poem=font="Simplified Arabic,6,,normal,normal" bkcolor="transparent" bkimage="" border="groove,6,seagreen" type=0 line=0 align=center use=ex num="0,black"]
اركدوا ياهل التميدح والتباهي=المدايح وضح ابو جعشه خذتها
فوزها مافيه شك ولاأشتباهي=هالسنه واللي بعدها ضامنتها
مالها يوم اعرضت ندٍ يضاهي=بين خلفتها التنافس وجنبتها
الاذاني فاهقه والخد راهي=والسبال الضافيه حدر ارثمتها
والنحر باب اجودي والراس ناهي=وتسحر قلوب المشاعيف ارقبتها
وغاربٍ كنه يدوّر للنفاهي=والسنام مقصّرٍ من مردفتها
وزين دل وزود فطنه وانتباهي=صيحة الراعي ليا صوت شعتها
وان ثناها جات من كل اتجاهي=جول غزلانٍ تقفت قايدتها
يابخت من يملك كبار الجماهي=وبالكريم ابو سعيّد يابختها
اشهد انه نايلٍ كل المشاهي=وهي بكساب المدايح نايلتها
ومع هذا عن غيرها ماهوب لاهي=كفه حبال المراجل قاضبتها
ماقصر يمناه غير عن النواهي=لوتحوش اموال دوله نفدتها
مجلس محمد لضيفانه رفاهي=تعتقب فيه الدلال ومبخرتها
اله مقهاتٍ تقلدها المقاهي=وقهوجيه نظرته يفهم لغتها
وللسمان المكرمه والحشو طاهي=لانضاها حط الاخرى في مرقتها
من مناعيرٍ لهم قدرٍ وجاهي=الرجال اللي تنومس معرفتها
يام ماحدٍ عن فعايل يام ساهي=كم تداوي عين وعيون لطمتها
عزوةٍ بعزومها تدهى الدواهي=والدواهي من عداها مادهتها
ذكرهم بين القبايل نور باهي=ريف للصاحب وعز لعانيتها
قاله اللي مايخاف الا الالهي=والشهاده عدها في مناسبتها
ضاوي العصيمي [/poem]

صح لسانك على هالمعلقات ياضاوي



شاعر من الدرجه الأولى ..



وقصائد تستحق الإشاده ..



قمة كصاحبها



فلله درك ياضاوي



ويستاهل اليامي




لك خالص تحياتي وتقديري

الغالي معيض الوادعي

هلابك وبمرورك

[frame="1 80"]شبّ ناره والحطب عجّل احراقـهوالمعامـيـل النظيـفـه مدنِّيـهـا
وزيّـن الدلّـه وفنجالهـا ذاقــهدلـةٍ عَلـى مـزاجـه مسوِّيـهـا
لا اختلط حـاذق طعَمهـا بترياقـهسجّ عن حاضر همومه وماضيهـا
واشترى اللي ما لها فى الشحَم طاقهقطعةٍ مـن عنـد شـاوىٍ مربِّيهـا


اخوي ايو زياد

بيض الله وجهك

وتستاهل ذود كامل

والهادي بيض الله وجهه وتستاهل

وانت شاعر علم

صح الله لسانك ولا هنت

تقبل تحياتي

اخوك

ابونايف[/frame]

الغالي مسلط بن سعيدان

هلابك وحضورك يسعدني

لاعدمتك يالغالي

صح لسانك يابو زياد وانت تستاهل طال عمرك

ابو زياد


ماعليك زود طال عمرك


وربي انك كفو كفو كفو


وصح لساااانك ملايين

تحياتي

ابو نواف

صح بدنك

ولك الشكر الجزيل على الاطراء

ارحب ياضاوي

اشهد با لله انقصيدك وافي

صح لسانك وبيض الله وجهك

وابوجعشه يستاهل المدح

تقبل فائق احترامي وتقديري