Tweet
صلوا على محمد !
عوده بعد غياب واتمنى ترقى لمستوى النداويه .
[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
إستهِلّي يا هجوسي من عُقُب طول الغياب=والله إنِّي أشفق إمن الضامي إللي شاف ماه
بيني وبين إنقطاعي أرض وتراب وسراب=وان عقدت العزم واصلت المسير لمنتهاه
وبيني وبين المشاعر ودّ مرفوع العتاب=تحتري فرحة قدومي وإتغلّى في غلاه
هقوتي في عزمي إني ما تعرقلني الصعاب=والثقه في النفس للرجال ترفع مستواه
معنز إللي لا بغى يرقى على هام السحاب=الجبل يقعد تحت ظلّه , وفي فيّة ذراه
بإسمك الله بإسمك الله : نفتح غلاف الكتاب=وأحمد الله وأحمد الله : في الختام ومبتداه
الكتاب خطاب والموضوع في( فصل الخطاب)=يكفي العنوان عن ما فيه يشرح محتواه
لأولّه من لا يعز النفس في سنّ الشباب=والله إن يشيب ما يلحق بعيدن في مداه
والفتى لا قصّرت يمناه عن سيف ونصاب=لا يصافح مرهفين الحدّ , مروين الظماه
من حداه الله على التكميل في صف الذياب=يحتصي في الذيب يأمّا ياكله وألا كلاه
والصديق إللي عذاريبه تغطيها الثياب=إحذره وإن راح قلنا روحة (مقيط ورشاه)
والردي لا قال كلمه لا تحسّب له حساب=جعل ضوّال الردى تنشب لسانه في جماه
ولا تنشّد عن كذوبن وايش ودّى , وايش جاب=إسفهه حتى يعرف الناس ماهم في حراه
ومن حداه الوقت يجلس مع ملفقة الكذاب=ينصح الكذاب وإن عيّا فيا جعله فداه
وإن بلاك الدهر لاتطرق بالأيدي كل باب=إرفع ايدك صوب ربّن ما يخيب من رجاه
إدع في الثلث الأخير الوقت هذا مستجاب=وأخلص النيّه , وتوب من المعاصي للأله
التوكل بالإله يذلل دروب الصعاب=من سواه اللي يبلغك الأجابه من سواه
لاتغرّك رابعه لو عشت عيشن مستطاب=يمكن تمنيك لكن دينها تدبل قضاه
حثّ نفسك للمعالي حثّ عجلين الركاب=الكفو لا بَعّد الهقوات ما ترجع وراه
جالس العقل وأخذْ الشور من روسن صلاب=لا تمالي بالمشوره من يثنّون العصاه
أوزن هروجك وخلك مع عزيزين الجناب=إستمع منهم وخاطبهم وشّد الأنتباه
وإبتسم لخوك , وأصغ السمع لهروجن تجاب=كانها تناسبك وألا , خلها تذبّ الفلاه
لا ترجّ المجلس . وخلّك كما الضلع المهاب=الثقل صنعه تجنبك الأهانه والزراه
ولا يضيع العمر فيما لذّ من اكل وشراب=قبلنا الجدان عاشوا فقر ما ماتوا طواه
من تزوّد بالقليل وقنّع وساع الجراب=عاش مستغني . وعاش الهمّ من حثله ملاه
ذاك لو كثرت مداخيله يضيّعها الذهاب=لو درى باع الحصيل ودوّر الزهد وشراه
(يمكن إللي باع حمل بعير رزقه في الزهاب=ويمكن الشرّاي رزقه في البعير ولاسواه)[/poem]
اخوكم ( سعيد الأحمري)
عوده بعد غياب واتمنى ترقى لمستوى النداويه .
[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
إستهِلّي يا هجوسي من عُقُب طول الغياب=والله إنِّي أشفق إمن الضامي إللي شاف ماه
بيني وبين إنقطاعي أرض وتراب وسراب=وان عقدت العزم واصلت المسير لمنتهاه
وبيني وبين المشاعر ودّ مرفوع العتاب=تحتري فرحة قدومي وإتغلّى في غلاه
هقوتي في عزمي إني ما تعرقلني الصعاب=والثقه في النفس للرجال ترفع مستواه
معنز إللي لا بغى يرقى على هام السحاب=الجبل يقعد تحت ظلّه , وفي فيّة ذراه
بإسمك الله بإسمك الله : نفتح غلاف الكتاب=وأحمد الله وأحمد الله : في الختام ومبتداه
الكتاب خطاب والموضوع في( فصل الخطاب)=يكفي العنوان عن ما فيه يشرح محتواه
لأولّه من لا يعز النفس في سنّ الشباب=والله إن يشيب ما يلحق بعيدن في مداه
والفتى لا قصّرت يمناه عن سيف ونصاب=لا يصافح مرهفين الحدّ , مروين الظماه
من حداه الله على التكميل في صف الذياب=يحتصي في الذيب يأمّا ياكله وألا كلاه
والصديق إللي عذاريبه تغطيها الثياب=إحذره وإن راح قلنا روحة (مقيط ورشاه)
والردي لا قال كلمه لا تحسّب له حساب=جعل ضوّال الردى تنشب لسانه في جماه
ولا تنشّد عن كذوبن وايش ودّى , وايش جاب=إسفهه حتى يعرف الناس ماهم في حراه
ومن حداه الوقت يجلس مع ملفقة الكذاب=ينصح الكذاب وإن عيّا فيا جعله فداه
وإن بلاك الدهر لاتطرق بالأيدي كل باب=إرفع ايدك صوب ربّن ما يخيب من رجاه
إدع في الثلث الأخير الوقت هذا مستجاب=وأخلص النيّه , وتوب من المعاصي للأله
التوكل بالإله يذلل دروب الصعاب=من سواه اللي يبلغك الأجابه من سواه
لاتغرّك رابعه لو عشت عيشن مستطاب=يمكن تمنيك لكن دينها تدبل قضاه
حثّ نفسك للمعالي حثّ عجلين الركاب=الكفو لا بَعّد الهقوات ما ترجع وراه
جالس العقل وأخذْ الشور من روسن صلاب=لا تمالي بالمشوره من يثنّون العصاه
أوزن هروجك وخلك مع عزيزين الجناب=إستمع منهم وخاطبهم وشّد الأنتباه
وإبتسم لخوك , وأصغ السمع لهروجن تجاب=كانها تناسبك وألا , خلها تذبّ الفلاه
لا ترجّ المجلس . وخلّك كما الضلع المهاب=الثقل صنعه تجنبك الأهانه والزراه
ولا يضيع العمر فيما لذّ من اكل وشراب=قبلنا الجدان عاشوا فقر ما ماتوا طواه
من تزوّد بالقليل وقنّع وساع الجراب=عاش مستغني . وعاش الهمّ من حثله ملاه
ذاك لو كثرت مداخيله يضيّعها الذهاب=لو درى باع الحصيل ودوّر الزهد وشراه
(يمكن إللي باع حمل بعير رزقه في الزهاب=ويمكن الشرّاي رزقه في البعير ولاسواه)[/poem]
اخوكم ( سعيد الأحمري)
[/align]
تعليق