............................ياراع الدوج..........................
[poem=font="Simplified Arabic,7,white,bold,italic" bkcolor="coral" bkimage="" border="double,9,sandybrown" type=2 line=0 align=center use=ex num="0,black"]
ياراع الدوج كم لي منك ماشفتك ياراع الدوج=يقولون الدلع جده واقول الزين شرقاوي
تطيح انجوم لكن ماخبرناها تطيح ابروج=وانا طحت الجدي مابين شرقاوي وجداوي
ابيك تقول للي تل قلبي والتوى بالعوج=ولعيونه عقب ماني هلالي جيتك اهلاوي
قصيدة شوق مختومه عليها طابع ابن عروج=طلع فيها على اوج ونزل منها على ااوي
صباح الثلج من بين الشفايف مختلط بالروج=ويسعد لي مسى الجمره ويسعد ليلها الضاوي
صباح الورده الحمرا تمايل فوق ذاك الموج=مسى نور الجبين اللي تعلا خصره الراوي
يضيع الوصف في زينه لو الحقنا الهروج هروج=لو اكسر في القصيده بيت فاح المسك والجاوي
يساوي من بني جنسه على حسب اعتقادي فوج=ولا منه عبر قدام شوفي طحت متساوي
على منطوقه إيقفي رزين العقل والمرجوج=ومن نظراته اجروح الأوادم ما لها مداوي
تجول بفكري اطيوفه من اعوام(ن) مضت وتدوج=ويحكم عرش قلبي حكم لايرحم ولاياوي
احبه مير مالي منه لاناتج ولا منتوج=واذا ضم الهوى هاوين انا من جيزهم هاوي
يقولون الحلابالملح نادر مايجي ممزوج=وانا شفته بعيني فيه والعهده على الراوي
ياراع الدوج جعلك تنقلب عجل ياراع الدوج=قبل لانبتلش مابين شرقاوي وجداوي[/poem]
[/align]
تعليق