حرام اللي يصير ياهووووووه ...

[غلا]

تحيه طيبه للجميع .. خلونا ندخل في العمق على طول , ونتعرف شوي على قضيه مهمه .. وخلونا نرجع للماضي ايام كانت الثقافه عندنا في المملكه ( الكتاب والقناه الاولى فقط ) .. اتذكر في ذاك الوقت كان الشعر شي غير .. كنا نقرا ونسمع بقلوبنا , كانت القصيده تتنتظر منك الراي .. لكن اليوم الله يخلف : تلاقي القصيده وقبلها المدح والمكياج الخاص بها !!! .. من زمن كان الاب يسولف عن الفصيده وكان الجميع عيون وقلوب للذوق .. كانت القصيده هدف , والجمهور مرمى .. والله بجد كان عشق ابن لعبون وهيام نمر بن عدوان وجنون الهزاني وكانت بخوت المريه ونوره الحوشان .. كذلك جنون الهجاء عند جرير والفرزدق وقوة ابي تمام , كل هؤلا يسكنون في ذاكرتنا الى الان .. ليه ؟؟ وليه حنا في السابق كنا نتذوق ونختار اما اليوم , كيف الحال : بالغصب تقرا لفلان , بالغصب تضع على رفوف الثقافه مجله تحمل غلاف شاعر متمكن ولكن ماديا !! اليوم الشعر غير .. الذوق غير .. رئيس التحرير هو الجمهور والمتذوق والناقد , وحنا اقروا بالغصب !! لو ماتصدقون روحوا واقروا في كل مجله صورة بنت من بنات الدعايه والشعر بلا حياء وفي الاخير ( اليتيمه وفلانه بنت .. وفلتانه ) وهم في الاساس شعراء اوكتاب او مدراء ورؤساء للتحرير !! ليه لهالدرجه صورتنا كبنات خليجيات صارت سلعه ؟؟ والمؤلم في النهايه ( الايميل ) اخينا يبي المراسله والضحك .. والله لو عنده ضمير وثقافه ماانزوى مثل البنت .
اعرف واشهد ان هناك شعراء ابطال ( ضيدان وهتان وغيوض ومساعد وصقر ومسفر والحريص والكرز والراسيه والدهام وحامد .. وبقيه بسيطه ) لن اذكر طبعا الاساتذه لانهم خلاص استوطنوا فينا وبكيفنا بعد .. يعلم الله ان الضمير راح من بعضهم ولكن احنا اللي لازم نرجع للذوق شوي .. ورانا اجيال راح تعيش زمن الذكرى وياخوفي لو حاولوا ومالقوا احد يفتخروا به .. ادري بتقولون فيه الخير : وانا معكم ولكن خلونا نحافظ على القيمه , ترى حنا بشر وانا كبنت مالي غير القراءه فقط , ولكن شيوخنا هم اصحاب الضمير وانا اعرف ان في النداوي يجتمع بعض اساتذتنا : اذا يجب ان تكون يدكم معنا يارجاله وياشاعراتنا ( هتان وغيوض والكرز والراسيه ) واحنا الجمهور اللي راح يرفع راسه بكم .
اختكم / غـــلا