نخوووووووووة سجين

هذه القصيده تعبر عن قصه عايشتها على الواقع وترجمتها إلى قصيده
وتم نشرها ضمن اصداري الثاني عشر من سلسلة صوت وصدى بعنوان نخوة سجين
الا ان احد المستشعرين قال عنها انها قصيده غير متكاملة الشروط من حيث الوزن والقافيه
على حد قوله
وها انا اضعها بين ايديكم وللجميع حرية النقد البناء ان وجد وسوف اتقبله بكل صدر رحب

ملاحظه كان بامكاني ان اكتفي بقافية العجز من البيت لكي اتوسع في المعنى
ولكن لكونها قصيده انشاديه كان لا بد من الارتباط بالقافيه في الصدر والعجز




[poem=font="Simplified Arabic,5,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
في سجن ظهران زرت اخوي ابن كدمه=وانا وهادي سعود بحسبة اخواني
جينا زياره ومعنا بالرضاع امه= في قلبها شوق مدري هم وحزاني
وساعة وقف قامت اتناديه وتضمه= من زود حب الضنا في قلبها الحاني
ومن زود شوقه يون وقال يايمه=انا على شوفتك بالحيل ولهاني
وقامت تنوح العجوز وسلهمت يمه=ودموعها كنها همال وداني
صاحت وناحت وزادت بالبكا همه=ويقول يامه كفاني هم واحزاني
ثم انكسر ناضره من همه وغمه=بين الرجاء ولأمل والياس حيراني
ثم وقف رضا(ن)لها تواضع وحشمه=وقبل يديها ودمعه فوق الاوجاني
ثم التفت يمها في خاطره كلمه=واقفا موادع وهو مكسور جنحاني
ثم كبله حارسه بالقيد واختَمه=وامه تنادي بلهفة شوق واشجاني
ونت وناحت عليه ونادته بسمه=وقفا موادع وهو راضي وزعلاني
وحملني امانة(ن) تبرا بها الذمه=قال انت ياخوي في ذمتك ورعاني
ورحت اتفقد عياله ثم لقيت امه=والحزن في صوتها المشحوب ينباني
ثم صار لي موقف الا صارت مطمه=من موقف صار واحزني وبكاني
جوني عياله وكل(ن) من ملى فمه= يقول باتبا سنين طوال ماجاني
وانا اشهد(ن) كل حي يحن له دمه=من بعد هذا حصل لي موقف ثاني
جتني فتاة(ن) خطاها تمشي بهمه=ثم اعثرت وانثنت قدام تنصاني
وعن راسها فرعت ثم طشت اللثمه=وتطيح وتقوم مضيومه وتنخاني
قلت ابشري والعسر والله ما همه=الظاهر ان القدر للموت وداني
قالت ياعم اين ابوي اللي ولد عمه= غرامه ابوي ابن عمه وهو الجاني
اشكي عليك الزمن ياعم من ظلمه = خالاني اعيش في حيره وحرماني
ياعم تكفا تلف الشمل وتلمه=ابغاك تفزع وتنخا قاصي وداني
قلت الردي جعلها تبكي عليه امه=ونتي نخيتي وانا بانخا كحيلاني
بانخا ابن فرثان صقر وكره القمه=وانخاه بسمي وبسم شيوخ قحطاني
وادخل على ربنا اللي يكشف الغمه=وادخل على هادي ابن معيض لاهاني
وانا دخيل الحضن والبيت والذمه=وادخل على الحي واللي وسط الاكفاني
يامارد(ن) للظوامي صافي(ن) جمه=واللي ورد له ما صدر منه ضمياني
الحكم لله وحكمك بيدك وسمه=لرضاك ما ننكره لو كان ماكاني
والعاقل اليا بلاه الله كبر حلمه=يهون الكايده ياوجه سنحاني[/poem]

سعيد


اولاً : صح السانك وجمل الله حالك ولاهنت وتسلم

ثانياً : انت استاذ وناقدك مستشعر يعني لا يؤخذ منه ولا يعطى كلام

صح السانك ثانيه

تحياتي وتقديري

الغالي


سعيد الحازبي



صح لسانك



وافيه ولا فيها كلام .. وعسى يحقق ما ترجيه ونرجيه جميع






لاهنت ولاشنت



ولاهوب غريب عليك



تحياتي

سعيد


اولاً : صح السانك وجمل الله حالك ولاهنت وتسلم

ثانياً : انت استاذ وناقدك مستشعر يعني لا يؤخذ منه ولا يعطى كلام

صح السانك ثانيه

تحياتي وتقديري

ارررررحب يامحمد
ويشرفني مرورك يالوافي

الشاعرسعيد الحازبي


صح لسانك ملايييييييييييييييين يابوعبدالهادي



قصيدتك وافيه وجزله وانت جزل وسنافي ولايهون الحاضر



والمستشعر مايعرفك ولايعرف تاريخك والقصيده لو فيها شي كان صار واضح



لكن ما اقول الاّ اليمنى اللي تستاهل يكب عليها السمن يمنى راعي ذي القصيده



تقبل تقديري واحترامي

سعيد

صح السانك ولاهنت

القصيده لايوجد بها ما يشوبها

وعسى الله يفك عوق اخوك ويرجعه لعياله

لك تحياتي

أخوي سعيد الحازبي

صح لسانك وبيض الله وجهك

جزله ووافيه من وافي

والله يفك أخوك ويطول عمرك

لك فائق احترامي وتقديري

ابو عبدالهادي
صح لسانك ولاهنت

الله المستعان يابو هادي

قصيده مسيناريو مؤلم ومحزن

كفانا الله واياكم احداث الدنيا

اسال الله ان يطلق قيده وان يمن عليه بالعفو انه قوي متين
لايسال قبل الله ولا بعده بيده مفاتيح الغيب وهو العزيز الحكيم


صح لسانك يابو هادي ولا هنت



مشهوووور....

[frame="1 80"]اخوي الرائع
سعيد الحازبي

اولا طرحك لها هنا دليل ثقه

ثاني المفترض انك ما تلتفت لقول مثل هذا

قصيده رائعه وجميله وشاعر كبير


صح لسان وكفو

بيض الله وجهك على الابداع المتدفق

تقبل تحياتي

اخوك

ابونايف[/frame]

سناريوا !!

واخراج !!


وتنفيذ !!


وتصوير !!


في ابيات شعر



قمة الحزن وفي نفس الوقت الجمال

صح لسانك ولاهنت وتقبل احترامي