تاجر المصلحة
يا تاجر المصلحه خلك على بابك
وأنا تراني مقفل دونك أبوابي
رح يم غيري وفتّل عنده أشنابك
رح يم غيري وفتّل عنده أشنابك
عن رجل نهاز مثلك تكرم أشنابي
رجلٍ تمصلح منه في حسبة أحبابك
رجلٍ تمصلح منه في حسبة أحبابك
وأنا كريمين الانفس دايم احبابي
بالأمس في ظلمتك ما قد سمعنا بك
بالأمس في ظلمتك ما قد سمعنا بك
واللهُ أعلم وش اللي ف الخفا غابي
واليوم دهم المشالح صاروا اصحابك
واليوم دهم المشالح صاروا اصحابك
ما باقي إلا ترشّح نفسك صحابي
بالغصب يا ( مصلحي ) فيك اقتنعنا بك
بالغصب يا ( مصلحي ) فيك اقتنعنا بك
وأنا بك ابخص ولكن كنت متغابي
حظك تعداك يوم الله لنا جابك
حظك تعداك يوم الله لنا جابك
واصبحت - يا للأسف - في راس مرقابي
تعلن شياخة جنابك عند طلابك
تعلن شياخة جنابك عند طلابك
ما يعرفون إنك امن أشبال طلابي
يا ليت تسأل عن اللي عندنا عابك
يا ليت تسأل عن اللي عندنا عابك
تعرف معايبك عند الناس وتهابي
وتقدر اللي فعوله دوم ترقى بك
وتقدر اللي فعوله دوم ترقى بك
لا هو مدلس ولا فاجر وكذابي
صديت عنكم ولاني بحسب حسابك
صديت عنكم ولاني بحسب حسابك
ولا انته اللي كفو يضرب بمشعابي
قيمتك طاحت مثل طيحة سهم سابك
قيمتك طاحت مثل طيحة سهم سابك
حسبة بدو ما تبي شاطر وحسابي
روّح ولا تفتكرني مت باسبابك
روّح ولا تفتكرني مت باسبابك
يوم إن شهرتك بعد الله بأسبابي
قفيت عن مثلك من الناس واترابك
قفيت عن مثلك من الناس واترابك
والروس وش لون ترجع عند الاذنابي ؟!
محمد بن حمدان المالكي
5/12/1427
[/align]
تعليق