Tweet
غيمٍ تشوفونه رسا فوق المحيط
ـــــــــــــــــــــــ في ذمتي ما هلّت مزونه عبط
عذب المطير اللي مع المالح خليط
ـــــــــــــــــــــــ أغبى غشيم اللي يقول انّه غلط
ما عانق الجبّار مدّات البسيط
ـــــــــــــــــــــــ لولا بسيط الشان باحضانه قلط
لا تنشد المرغوب كيف اغدا سقيط
ـــــــــــــــــــــــ أو كيف ذا المرهوب للساقط لقط
دامك تفك الرمز وتحل الوسيط
ـــــــــــــــــــــــ بتشوف موج الما عليه الما نقط
والاّ لزوم انّك تفيق وتستحيط
ـــــــــــــــــــــــ قبلك كثير اللي نسا الشور و ورط
اللي يظن السر في اليم الغويط
ـــــــــــــــــــــــ ان شاف غيره في متاهات انبسط
واليوم انا افل المسابح خيط خيط
ـــــــــــــــــــــــ (غابة كلام) اذكى ثعالبها سقط
ما همني لو قالو (لسانك سليط)
ـــــــــــــــــــــــ او ناظروني نظرة (عتاب وسخط)
كــل الـحــكـــايـــه:
بـلـبـلــة شـاعـر عـبـيـط
يلعب على الحبلين في شعر النبط
تدري وشـ افضل وضع لو كانك وريط؟
ــــــــــــــــــــــــــــــ بحروب وجندك كلهم خمسه فقط؟
صــــــــــــــــــــــايـــــح
وكـــثـــّر هــــــــــــــــرج
وقــــرّب للــنــشــيـــــــــط
واقصر من القامه وخلّك في الوسط
في كلمتي حرفٍ بطارفها ربيط
ـــــــــــــــــــــــــ اليا عتقته بانت اهداف الخطط
دوّر مكانه وارجع ولف الشريط
ـــــــــــــــــــــــــ وافصل (ثلاث ابيات) وبرّق في النمط
.
وســــلامـــتــــكــــم
.
,
تعليق