Tweet
[poem=font="Simplified Arabic,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
هجس القصيد يشوتني وآشوته = أمّا حياة القاف والاّ موته
يستاقني طاري وأسوق الثاني = طواريٍ مربوطه ومفلوته
بس الصحيح وقيدنيّ الهرجه = والقيدنيّه ماهي بممقوتـه
عفت القصيد ونظمه وترميزه = وحبكة قوافيّه ووزن بيوته
ملّيت والله من جميع أغراضه = وملّيت من صبّه ومن منحوته
غنيّت حتى شيّبت حجّاني = وأنشر قصيده وأربعٍ مكبـوته !
ما به بحر ماغصت جوف أعماقه = وأرجع معي لولوّه وياقوته
ومن امس واليا اليوم واليا بكره = وأنا أقرح بهرجي بدون آلوته
كتبت عن هذا وذيك وهذي = مابان منّي هرجةٍ مزتوته
والله وقاني ما أركب السابتكو = والباص ندري وين هو كبّوته
قصيدتي تنهلّ حامـي حامي = ماني من أصحاب القلم والنوته
أهلْ الزوايا الضيّقه والحرْجه = عشّاق نورٍ ميزته بخفوته
سملّقٍ ما ينقطع تاليهم = كلٍّ معه شاهيّه وبسكوته
أطيبهم الكتكوت يوم يغنّي = ماله مجال الاّ بذا الكتكوته
وأرداهم اللّي لا تمثّل وأنتج = ماجاب غير أموت في البنّوته
الفرق بين أطيبهم وأرداهم = يمكن في شماغه وزرّة كوته
الحبّ واحد والمشاعر وحده = تشاركو العشرين في الهلفوته
من هي هيا يا محسن الهزّاني = وأترك عقاب فلا عرفنا نوته
نزار سوري والهوى لبناني = ما شبْع من مشمش دمشق وتوته
وأكْل الدمشقي توتة البيروتي = توّه وفي داره وفي بيروته
يعني كذيّا قِسْمةٍ مقسومه = لابدّ فار الحقل يلقى قوته
ولابدّ من تبويشة السابتكو = ومكينته تنثر جميع زيوته
والموت لا بوّش بخطٍّ موحش = دداسنه ماهي تطوف فروته
ماني بفي ركّابْتِه متشمّت = أنشاتو وياشينها من شوته
لكن عساهم فدوةٍ لي وفْدا = اللّي ليا غنّا جذبني صوته
الشاعر المتميّز المتمرّس = أيّة بحر طبّه بيصبح حوته
الواعي المدرك زبون الجزله = قصيدته (بالكامله) منعوته
اللي ليا منّه حبك قيفانه = فالنادره فيده ولا بتفوته
اللي انا بأبطي وأنا اقول اللي = واللي الأخيره قنبله موقوته !
اللي جديده فاقده من مدّه = من بعده الساحه مهي مبخوته
غاب وغيابه ما عرفت أسبابه = وكبود جمهوره هنا مفتوته
وهو منيفٍ شامخٍ متعلّي = لا هو يطيح ولا تطيح كروته
كبير وغيابه كبيرٍ مثله = والله يكبّر في الحضور بخوته
لأني لو آملّ القصيد الشعبي = فالعذر بيّن والحجج مثبوته
تكفى يا سيف السيف وين عْكاشه = ترى عُكاشه ما يجوز سكوته !
[/poem]
هجس القصيد يشوتني وآشوته = أمّا حياة القاف والاّ موته
يستاقني طاري وأسوق الثاني = طواريٍ مربوطه ومفلوته
بس الصحيح وقيدنيّ الهرجه = والقيدنيّه ماهي بممقوتـه
عفت القصيد ونظمه وترميزه = وحبكة قوافيّه ووزن بيوته
ملّيت والله من جميع أغراضه = وملّيت من صبّه ومن منحوته
غنيّت حتى شيّبت حجّاني = وأنشر قصيده وأربعٍ مكبـوته !
ما به بحر ماغصت جوف أعماقه = وأرجع معي لولوّه وياقوته
ومن امس واليا اليوم واليا بكره = وأنا أقرح بهرجي بدون آلوته
كتبت عن هذا وذيك وهذي = مابان منّي هرجةٍ مزتوته
والله وقاني ما أركب السابتكو = والباص ندري وين هو كبّوته
قصيدتي تنهلّ حامـي حامي = ماني من أصحاب القلم والنوته
أهلْ الزوايا الضيّقه والحرْجه = عشّاق نورٍ ميزته بخفوته
سملّقٍ ما ينقطع تاليهم = كلٍّ معه شاهيّه وبسكوته
أطيبهم الكتكوت يوم يغنّي = ماله مجال الاّ بذا الكتكوته
وأرداهم اللّي لا تمثّل وأنتج = ماجاب غير أموت في البنّوته
الفرق بين أطيبهم وأرداهم = يمكن في شماغه وزرّة كوته
الحبّ واحد والمشاعر وحده = تشاركو العشرين في الهلفوته
من هي هيا يا محسن الهزّاني = وأترك عقاب فلا عرفنا نوته
نزار سوري والهوى لبناني = ما شبْع من مشمش دمشق وتوته
وأكْل الدمشقي توتة البيروتي = توّه وفي داره وفي بيروته
يعني كذيّا قِسْمةٍ مقسومه = لابدّ فار الحقل يلقى قوته
ولابدّ من تبويشة السابتكو = ومكينته تنثر جميع زيوته
والموت لا بوّش بخطٍّ موحش = دداسنه ماهي تطوف فروته
ماني بفي ركّابْتِه متشمّت = أنشاتو وياشينها من شوته
لكن عساهم فدوةٍ لي وفْدا = اللّي ليا غنّا جذبني صوته
الشاعر المتميّز المتمرّس = أيّة بحر طبّه بيصبح حوته
الواعي المدرك زبون الجزله = قصيدته (بالكامله) منعوته
اللي ليا منّه حبك قيفانه = فالنادره فيده ولا بتفوته
اللي انا بأبطي وأنا اقول اللي = واللي الأخيره قنبله موقوته !
اللي جديده فاقده من مدّه = من بعده الساحه مهي مبخوته
غاب وغيابه ما عرفت أسبابه = وكبود جمهوره هنا مفتوته
وهو منيفٍ شامخٍ متعلّي = لا هو يطيح ولا تطيح كروته
كبير وغيابه كبيرٍ مثله = والله يكبّر في الحضور بخوته
لأني لو آملّ القصيد الشعبي = فالعذر بيّن والحجج مثبوته
تكفى يا سيف السيف وين عْكاشه = ترى عُكاشه ما يجوز سكوته !
[/poem]
[/align]
تعليق