صلو على النبي
المــجــاهـيـم
المــجــاهـيـم
[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يا هجوس الشعر هبي مع ذعاذيع البراد = وأبدعي قاف تفز أله العرب و ألا تعده
لعنبو حيتس تراني لا صملت اصمل عناد = دوسري والدوسري مافية ابد شي يرده
جمليني في عيون الطيبين من العباد = الرجال اللي تحفظ الطيب وألا ما تهده
رفقة الطيب صلاح ورفقة الخايب فساد = والحظيظ اللي رفيقة وجه عز وما يضده
وألا أنا رجلا بخيص ومدركا علم الوكاد = حافظن علم الرجال الماضية والمستجده
لو عثرت وطحت عادي تعتبر كبوة جواد = والجواد يبان فعلة لا خذا شوحه ومدة
وارثأً فعل المراجل والطلاقة والسداد = من أبوي اللي يهد المعضلات ولا تهده
كن مثله مثل حرا صايدن حل الهداد = ماتطيح الصيده ألا لا تقفاها بيده
عقب ذا يا وجد عيني يوم فارقها الرقاد = وجد من صكات بقعا تبتلية ألا تحده
من سبب رغبة فؤاداً ما يطيبله القعاد = بين جدران المدينة لحظتن ماهيب وده
رغبته سج القدم ومفارقن جو البلاد = في تخاتيخ الخلا و(آرامكو) ما هي تلده
رغبته يقفا مجاهيم توشحها السواد = كنها ليل عتيم مايبيح الصبح سدة
زين شوفتها تفلي وسط ريضان الحماد = والفحل في وسطها كنه يتحدا من يرده
كسب قومن صاملين من على عصر الطراد = ورث جدان ماجات بجهد وألا من مكده
وصفها يبحل به الشاعر إذا عزم وراد = كان جات لوصفها لو الله أبشربه بعده
ظهرها كله سنام وما بعد شال الشداد = كن فيها قصر عيز وطول غاربها تعده
كبر راس وزين وجه وشرف اذانينن أحداد = لا شبحت ابوجهها لكن فية شوي صده
كن عرنون الخشم من وجهها ماخذ حياد = شدقها راخي مع لحين طفوح وعرض خِده
شكلها ما فيه زيه لو أن بعض القول زاد = راعي الصنف ايتهول ويتمناها بشده
كل من عرض عليها قام يمدحها وأشاد = عيبها تلفت نظر من مرها وألا تشده
عند راعيها حشيمه ما بعد طبت مزاد = كنها بنت الشيوخ الراقية والمستبده
المراد أني مولع بالمجاهيم المراد = جعل من لام المولع ينقل لحدود جدة
[/poem]
سعد آل بريك
.
.
تعليق