Tweet
أعزائي النداوية و المرور
أرسل لي الشاعر مشبب العاصمي قصيدة على هذا الرابط
http://www.alnadawi.com/vb/showthread.php?t=38520
فرديت عليه بهذه المتواضعة
الله يجملنا عند أبو فهد و عندكم
[poem=font="Simplified Arabic,7,white,bold,normal" bkcolor="transparent" bkimage="http://www.alnadawi.com/vb/images/toolbox/backgrounds/21.gif" border="groove,4,skyblue" type=1 line=0 align=center use=ex num="0,black"]أرسل لي الشاعر مشبب العاصمي قصيدة على هذا الرابط
http://www.alnadawi.com/vb/showthread.php?t=38520
فرديت عليه بهذه المتواضعة
الله يجملنا عند أبو فهد و عندكم
يا مرحبا بك يا عشير المسافير=و أهلا عدد ما أومت غصونٍ رطيبه
في خايعٍ عقب الحيا ما بعد زير=فيه أم سالم كلّ صوتٍ تجيبه
يا أبو فهد و القاف للقاف تبرير=ذيبٍ عوى و أنا بألاحي قنيبه
تقول لي مبطي و أقول المقادير=ماهي بكيفي بس جتني غصيبه
لا أكرمتني بالقاف حشمه و تقدير = حقٍ على مثلي يجاوب صحيبه
جاني طروشٍ من سنعكم مداوير=والحر مثلك ما غترني ذهيبه
ناديتني بالطرق بين الشواعير=و انباج بابٍ كان ما عاد لي به
تشكي علي ناسٍ تقلّد هل الخير= بالشكل و المضمون ما أحدٍ دري به
تجيك بالضحكة و زين التدابير = و أروغ من الحصني إيلا قيس طيبه
و لسانها أحلى من حليب المصاغير = الله حسيب ابليس و الله حسيبه
عطيتني عن مجمل الوضع تقرير =صورت وضعٍ كلّنا نستعيبه
الطّرق بيّن و الهدف فأسفل البير= و الرّمز يبغي له عقولٍ لبيبه
صرفت صرفٍ مثل صرف الدّنانير=ثم شاش راس الشّعر و أرسل نديبه
ثم قال قم ذالحين من دون تأخير = جتك القوافي منتقاةٍ عريبه
يا أبو فهد لا تلتفت للمعاثير=لو هام للعليا شبوحه قريبه
ما منه عزٍ لك ولو يدهن السّير =جنّب مشاريفه و جنّب شعيبه
عليك باللي يحتمل للمخاسير=لا عرضت العليا تجي من نصيبه
تلقاه لا ضاقت عليك المعابير=و إن قام يفتح لك فجوجٍ رحيبه
ذخرٍ على الشّطّات لا جت مضاوير=ينقل مع حمله حمولٍ صعيبه
من عادتي لا جبت جبت المغاتير=و الصّنف ناسه لازمٍ تشتقي به
و الشّرّد اللي جلّها ما بعد ذير=تهيا لمن لا مد صاد الضريبه
و الهيّنة لوكان تنبت نواوير = لا سمتها ولا عرف ويش هي به
القاف شاب ولا بقى له محادير=و الطرق من غنّاه يلمح مشيبه
من ورْد ما عدٍ عليه المسابير=لا ما لقى صافيه يترك سريبه
و اقبل سلامي يا عشير المسافير=و اعداد ما تومي غصونٍ رطيبه[/poem]
[/align]
تعليق