Tweet
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
اللي له التوحيد كله والأيمان=وان كبرت احداث الزمن يلتجابه
نرجيه رجوى من يبي منه غفران=وقف على باب الرجاء والتوابه
يامر بنو له على نجد ربان=مبدا ربيع وتالي الوسم جابه
تمطر مقاديمه من الجو ودان=ليلين والثالث ينفّض ربابه
يملا ضمار الخد من غر الأمزان=ومن الحيا يكحل خضاره شهابه
يدله العساس من شان من شان=تتلاه سلفانٍ عليها ضبابه
تقبل محاويله من حدود نجران=واقصى منازلهم حزوم اللهابه
غيث وربيع وعشبٍ اشكال والوان=فالمخرم اللي كان يزمي سرابه
مدات من لا مد ماهوب منان=لنا دعاه وبيده الأستجابه
عساه يعطيني على الحق سلطان=وانهج مناهيج النبي والصحابه
واصدق مع الصادق و لااقول بهتان=ولا آقف الا موقف له حسابه
واجنب الهافي واخليه حقران=ماقتات من قوته ولا اشرب شرابه
يلقى وانا القاالي من الناس خلان= وكلٍ على جسمه يفصل ثيابه
انا عجب عيني حلايا كحيلان=الروقي اللي ماتوني ركابه
له في دروب الطيب كانٍ على كان=وله في صدور العز قدر ومهابه
اسمه ليا ضاعت سماويه نيشان=تفقد الأسامي ويتجلى جنابه
سجل على كسب النواميس عنوان=لا عاش من مده ورزقه هبابه
اصخى من الدم الحمر في شبا الزان=فالمنحر اللي مايداوى صوابه
عينٍ على ماجوب خطلان الأيمان=وعينٍ تبشر بالعشاء عند بابه
ذكره ينومس كل صبيان قحطان=وفعله يعصب لابسين العصابه
ابين من النجم الشمالي ليا بان=في الموقف اللي لا احتمى يعتزابه
افواج وجموع ومخايم وذيدان=احدٍ دريبه واحد مايندرابه
صاحوا لميعاد السعد ..راعي الشان=عمير وينه متع الله شبابه
واقبل بوضح ٍ رددوها مسيان=عسكر وبرها يوم سمعت جوابه
كنها غرانيقٍ على جال غدران=مرودمات من شحمها تشابه
فرع المبادي .. كنها فوق عمدان=فازوارها كنها تلوى الذيابه
خفق اللواحي .. والخراطيم فنسان= وظهورها نصب تعلا سحابه
خرع الأذاني ...كنها امواس جنحان=وفاشناقها من نعمة الله رحابه
منتلة الغرب .. مواليف وزيان=وعليان في مثناتها شق نابه
الله يعديها نظر كل شيطان=ولا تبدل في زبون المهابه
هذا قليل من وصايف بليهان=والمدح في ربعه طوال رقابه
روقيةٍ لاكمل الصبر شجعان=من طاح عند نحورهم واعذابه
تعرف وتذكر يوم زوغات الأذهان=يوم اشهب البارود ينفض ترابه
ردادة للموت بزهيد الأثمان=واذلهم يوم اللقاء يندعابه
كذا كذا شجعان ماهمب ذلان=ما خلقوا الا للكرم والحرابه
على سنام المجد من ماضي الأزمان=ماهيب لحية وقفة وانقلابه
مدحيلهم ماجوب ماهوب صفطان=ولا على مدح النشاما غرابه
قلته وانا شاعر ولي قلب ولسان=الشعر سيفلي وبيدي نصابه
الله يجملني معا كل قحطان=واني ماقول القول في غير ثابه
هذا وصلى الله عدد الأنس والجان=على النبي الهاشمي والصحابه[/poem]
اللي له التوحيد كله والأيمان=وان كبرت احداث الزمن يلتجابه
نرجيه رجوى من يبي منه غفران=وقف على باب الرجاء والتوابه
يامر بنو له على نجد ربان=مبدا ربيع وتالي الوسم جابه
تمطر مقاديمه من الجو ودان=ليلين والثالث ينفّض ربابه
يملا ضمار الخد من غر الأمزان=ومن الحيا يكحل خضاره شهابه
يدله العساس من شان من شان=تتلاه سلفانٍ عليها ضبابه
تقبل محاويله من حدود نجران=واقصى منازلهم حزوم اللهابه
غيث وربيع وعشبٍ اشكال والوان=فالمخرم اللي كان يزمي سرابه
مدات من لا مد ماهوب منان=لنا دعاه وبيده الأستجابه
عساه يعطيني على الحق سلطان=وانهج مناهيج النبي والصحابه
واصدق مع الصادق و لااقول بهتان=ولا آقف الا موقف له حسابه
واجنب الهافي واخليه حقران=ماقتات من قوته ولا اشرب شرابه
يلقى وانا القاالي من الناس خلان= وكلٍ على جسمه يفصل ثيابه
انا عجب عيني حلايا كحيلان=الروقي اللي ماتوني ركابه
له في دروب الطيب كانٍ على كان=وله في صدور العز قدر ومهابه
اسمه ليا ضاعت سماويه نيشان=تفقد الأسامي ويتجلى جنابه
سجل على كسب النواميس عنوان=لا عاش من مده ورزقه هبابه
اصخى من الدم الحمر في شبا الزان=فالمنحر اللي مايداوى صوابه
عينٍ على ماجوب خطلان الأيمان=وعينٍ تبشر بالعشاء عند بابه
ذكره ينومس كل صبيان قحطان=وفعله يعصب لابسين العصابه
ابين من النجم الشمالي ليا بان=في الموقف اللي لا احتمى يعتزابه
افواج وجموع ومخايم وذيدان=احدٍ دريبه واحد مايندرابه
صاحوا لميعاد السعد ..راعي الشان=عمير وينه متع الله شبابه
واقبل بوضح ٍ رددوها مسيان=عسكر وبرها يوم سمعت جوابه
كنها غرانيقٍ على جال غدران=مرودمات من شحمها تشابه
فرع المبادي .. كنها فوق عمدان=فازوارها كنها تلوى الذيابه
خفق اللواحي .. والخراطيم فنسان= وظهورها نصب تعلا سحابه
خرع الأذاني ...كنها امواس جنحان=وفاشناقها من نعمة الله رحابه
منتلة الغرب .. مواليف وزيان=وعليان في مثناتها شق نابه
الله يعديها نظر كل شيطان=ولا تبدل في زبون المهابه
هذا قليل من وصايف بليهان=والمدح في ربعه طوال رقابه
روقيةٍ لاكمل الصبر شجعان=من طاح عند نحورهم واعذابه
تعرف وتذكر يوم زوغات الأذهان=يوم اشهب البارود ينفض ترابه
ردادة للموت بزهيد الأثمان=واذلهم يوم اللقاء يندعابه
كذا كذا شجعان ماهمب ذلان=ما خلقوا الا للكرم والحرابه
على سنام المجد من ماضي الأزمان=ماهيب لحية وقفة وانقلابه
مدحيلهم ماجوب ماهوب صفطان=ولا على مدح النشاما غرابه
قلته وانا شاعر ولي قلب ولسان=الشعر سيفلي وبيدي نصابه
الله يجملني معا كل قحطان=واني ماقول القول في غير ثابه
هذا وصلى الله عدد الأنس والجان=على النبي الهاشمي والصحابه[/poem]
تعليق