((لاتقولين العذر)) مصافحه اولى

محمد العاطفي

صح بدنك ومتابعتك تهتمني

شكرا لك على كرم مرورك

سعد السبيعي

صح بدنك

الرائع مرورك يالغالي

شكرا على كرم مرورك

[poem=font="Simplified Arabic,5,purple,normal,normal" bkcolor="transparent" bkimage="http://www.alnadawi.com/vb/images/toolbox/backgrounds/4.gif" border="double,9,purple" type=2 line=0 align=center use=ex num="0,black"]

لا تـقــولــيــن الــــعــــذر

عذرك أدهى من ذنوبك ما أبي منك عـذر=اخدعي نفسك بعذرك بس أنا لا تخدعينـي

لا تقولي العـذر دام العـذر أدهـى وأمـر=شايفتني طفل ولا أهبـل تبـي تستهبلينـي

ظنك انه منخلـق قبلـك ولا بعـدك بشـر=لا حبيبي فيه أحلى منـك تتمنـى تجينـي

ظنك انك لو تغليتـي بمـوت مـن القهـر=ما عد الا انتي على غفله تجين تقهرينـي

الكرامه كسرها مثـل الزجـاج اذا انكسـر=ما حسبتي لي حساب وكان قصدك تكسريني

تعرفين ان الرجل ما تلدغـه حيـة جحـر=مرتيين وجيتي انتي كان قصدك تلدغينـي

لعنبوا ابليسك علامك كلها اجروحك غـدر=تتبعين جنازتي مـن بعـد قمتـي تقتلينـي

جبت من ضلعي قلم واخذة من دمعي حبـر=وجبت من جلدي دفاتر قلت يمكن تفهمينـي

قلت ابكتب من قصيدي للحبيب اللي هجـر=يمكن يبطل عنـاده يمكـن يفكـر يجينـي

كم نصحتك لا تخوني في بدايـات الا مـر=ثم كررت النصيحه ما رضيتـي تسمعينـي

لين رحتي في خبر(كان)و(كان) لـك خبـر=ويوم طاح الفاس فوق الراس جيتي تطلبيني

ليه اخذ منك الحنان وبـدل بقلبـك حجـر=ليه طاوعتي كلا مه يوم قال للك اتركينـي

كانه اعطاك الكلام اعطيتك ادموعي مطـر=ايتكلـم لـك لسانـه واتكلـم لـك بعينـي

وكانه اهدى لك هديه قبله اهديتـك عمـر=ما عطاكي غير ليله يوم انا اعطيتك سنيني

اشتريت رضاك بدموعي واخذتيهـا مهـر=ويوم جففتي دموعـي ابتديتـي تحرمينـي

ما التفت لنفسي الا يوم جت ساعة صفـر=قلت ليه اذل نفسي عنـد واحـد مايبينـي

مادم انـه خـان وعـده وبمحبتنـا كفـر=والله لا خليه يتمنـى يطالـع فـي جبينـي

اوعدك برحل بعيـد ولانـي بتـارك اثـر=وان سألتيني علامك قلت لـك لا تسألينـي

اوعدك حتى الرسايل كل ابوهـا والصـور=اني احرق نار فيها مثل منتـي تحرقينـي

اوعدك برحل بعيد ولا بـرد مـن السفـر=هذا شي يخص نفسي وانت مالك دخل فيني

وكل غلطه منك ببلعها ولـو كانـت جمـر=بلعب العبـه معاكـي واتحـدى تهزمينـي

حتى لو كانت تكلـف دم ودمـوع وسهـر=المهم انـي اذلـك قـد منتـي تجحدينـي

لا وازيدك من قصيدي بيت واعطيك الخبر=لو تبي حتى عذابي ماتشوفه مـن يدينـي[/poem]
0

مصافحه في غاية الروعه

تابع ركضك في هذا المنوال

صح لسانك ولاهنت ولاهانت احرفك

فراج العريدي

صح بدنك الف شكر على

كرم مرورك

تحياتي لك