جنة الفردوس.......والحور العين

[poem=font="Simplified Arabic,4,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
أعوذ بعزة الله جل شانه خالق الإنسان = من الوسواس وأوهامه وشر الناس والشيطان
وأقول الله وأكبر وابتدي بسم الله الرحمن= وأعوذ بربنا من فتنة الدنيا ومافيها
عظيم العرش سبحانه تعالى واسع الغفران= له التمجيد والتعظيم والاجلال والسلطان
ولله الشكر والحمد والمنه وهو المنان= جزيل المد واسع رحمته ماخاب راجيها
جليل الملك مولانا تعالى عرشه العالي= إله الخلق حي لايموت الواحد الوالي
شديد الباس رب الناس ما يخفاه مثقالي= ويعلم ما توسوس كلّ نفسٍ في خوافيها
ولاتخفا سرايرنا عليه ولاسواه إله= بديع الكون وأحسن خالقه خلقه ولايخفاه
ولو مثقال ذرة كلّ شي يعلمه واحصاه= ولا يخفاه شي وكلّ خلق الله محصيها
ولا يعلم بما في الغيب غير الواحد الباري= ولايخفاه شي وبالسراير ربنا داري
ولله القضاء وله القدر واللي كتب جاري= وخلقه تحت تصريفه وتدبيره يمشيها
إله الكون وحده ربنا لانؤمن إلاّ به = اسلمت ومؤمن بالله ورسل الله وكتابه
وما قدّر علينا خير ولا شر نرضا به= بنا ماضٍ قضاه وقدرة الرحمن راضيها
هو الله العظيم اللي لقال لشي كن كاني= رفيع العرش رب الخلق جمعاً عالي الشاني
له التوحيد وحده لايوحد غيره لساني= خلقني من عدم والنفس بعد الموت يحييها
هو الله الكريم المستعان وعالي شانه= هوّ الله الرحيم المعطي المنان سبحانه
هو اللي شرف الدين الحنيف وثبت أركانه= هو اللي نزل آيات الكتاب وحكمته فيها
هو الخالق هو الرازق هو الأول هو الآخر= هو الواحد لحد فردٍ صمد والباطن الظاهر
هو المحيي المميت الحافظ المتعالي القادر= هو اللي قسم الأرزاق واقداره يمضيها
هو الوالي هو المولى الولي سبحانه القهار= هو العالي هو المنان والديان والغفار
هو الشافي هو المعطي هو اللي بيده الأقدار= هو اللي قدر الأقدار وأمرّها وناهيها
هو الله السميع الواسع المتكبر الوهاب= هو الله البصير أكبر كبير الهادي التواب
هو اللي كلّ ما نعمل ونفعل سجله بكتاب= هو الدايم هو الباقي وكلّ الخلق يفنيها
ذكرته في العسر واليسر جهر وسر واتوكل= على الله واكثر التكبير والتسبيح واهلل
رحمتك ولا لغيرك ربنا نلجاء= أملنا فيك يالعفو الكريم ومنك نترجا
عسانا من عذابك ربنا يوم الحشر ننجاء= وهون ساعةٍ كلّ الخلايق تجتمع فيها
بيوم تشخص الأبصار فيه وما كتب حاصل= من هوله يذهل العقل ويشيب الطفل والحامل
تضع ما تحمله في بطنها والحكم للعادل= سراطه مستقيم وكلّ خلق الله مساويها
بيوم الحشر حافين عراة وتدني الشمسي= مقام يستوون الخلق فيه الجن والانسي
وكلٍّ قال نفسي من هوايل روعته نفسي= ونسي أمه وبوه ومعرفة لاصحاب ناسيها
عسا ربي يثبتنا ويكفينا عذاب النار= ويحشرنا معا خير العباد بزمرة الأبرار
معا أصحاب اليمين اجعل لنا يالله مقر ودار= بعالي جنة الفردوس في عالي كراسيها
أنا العبد الضعيف المذنب المتهاون الغلطان= أنا اللي في المعاصي والخطايا والزلل غرقان
أنا اللي في هوى نفسي غروري زادني طغيان= تمالكها الهوى والكبر والشيطان مغويها
أنا بوّل شبابي غافل ٍ واغلا العمر ضاعي= رحل عني الشباب ويوم وادع زادت اوجاعي
خسارة يا شبابي ليتني من عفلتي واعي= قبل ياتي نذير الشيب للنفس ويصحيها
وانا بين الخطاء والصح تايه والحياة دروس= ومن كثّر التجارب صار فكري مرجع وقاموس
عرفت إنّ الطريق المستقيم العز والناموس= مادام إنّ الحياة الفانية محدٍ خلد فيها
حياة خاتمتها الموت حتماً ليس فيها خير= تراها لو تطول اتزول لاتشغل بها التفكير
ياعبد الله على درب الهدى حاول تحث السير= ترا الدنيا ممر الله يكافينا بلاويها
تزود لآخرتك اغنم حياتك وارفق بحالك= وجاهد نفسك احذر في هواها ينشغل بالك
وكن عبد شكور وتوب لله واخلص اعمالك= ترا الحسنة بعشر أمثالها والله يربيها
لك الله سلعة الرحمن غالٍ سعرها بالحيل= ثمنها طاعة الرحمن والعاصي ياويله ويل
ويدخلها برحمة ربنا عبد(ن)يقوم الليل= وصام وحج زكى والفروض الخمس يديها
تقي يذكر الرحمن في السراء وفي الضراء= كتاب الله تعلّق فيه قلبه خاشع يقراء
ويتدبر من آياته وذكر الله له ذكراء= ونفسه بالذكر والخير والطاعة امقويها
تعلّق قلبه بحب المساجد يعبد الرحمن= وغذاء بالذكر قلبه ولايسها عن القرآن
هداه الله للتقوى ونوّر قلبه الإيمان= صلاة الليل في لذة منامه ما يخليها
ولا يغتاب خلق الله ولايبهت ولايحلف= بغير الله ولا يشرك ولا يطغاء ولايقذف
لسانه محصناة ويحمد النعمة ولايسرف= ويشكر من عطاه وحاجة المحتاج يقضيها
ولاياكل حرام ولا اعتداء على حقوق الغير= ولايدعي لغير الخير يفعل خير يلقاء خير
وينفق في سبيل الله بماله ما اشغل التفكير= ولايجزع إذا ما صابته ضراء ويشكيها
ولايبخل وان أعطاء ما يمن ويحفظ اسرارة= ويمناه ان عطت عن مدها ماتدري أيساره
حفظ عهده وميثاقه ولايكشف ستر جاره= أمين والأمانة حافظنها واعتنا فيها
ولايسرق ولا يكذب ولا يلعن ولا يجهل= ولايزني ولايشتم ولايغضب ولايزعل
ولايظلم ولايقهر ولايقنط ولا يكسل= وقال وقيل والنمة وأهلها ما يدانيها
ويتصدق من أمواله على المحتاج والمسكين= ويعطف عليتيم ويعطي السايل ويقضي الدين
دعاء للحق ينصح للهداء ويجالس أهل الدين= ولايطمع ونفسه بالقليل الله مغانيها
صدوق يأمر المعروف بين الناس والمنكر= نهاهم عنه بالحسنى على غيره ما يتكبر
حسين أخلاق متواضع واديم بالوفاء يذكر= ويصلح بين خلق الله ويهون دعويها
بشوش الوجه وحجاجه ضحوك ودوم يتبسم= بوجه أخيه ما يحقد ولامنه غضب يحلم
عزيز النفس مايقفاء ويطعن في ظهر مسلم= ونفسه مالدناسة والرداء والذل ناهيها
كريمٍ جاد من جود الكريم اللي يمد الجود= وضيفه يكرمه من طيب نفسٍ ويبذل المجهود
يقدم له ما يسر ربنا والجود مالماجود= وناره في عسر ولا يسر ما هو يطفيها
ما يتعداء حدود الله ولو وسوس له الوسواس= تبع سنة رسول الله ونور الحق له نبراس
يراضي بالموده والنقاء والحب بين الناس= ونفسه في سبيل الخير وارضاء الله معنّيها
يمد ايده لعون أخوه لاينهر ولايمنع= زهيدٍ في حياته يعطي السايل ولايطمع
ولا ياكل حرام أكله حلال وبليسر يقنع= ونفسه مالرياء وأهل الرياء والفسق ناهيها
كبير السن يحترمه قدر والنفس واطاها= رحيم بالصغير وحاجة العجزان لبّاها
ونفسه مالضغينة والحسد والبغض صفّاها= تسامح واحترام وشيمته بالطيب زاهيها
يقدم ما يفيد المجتمع ويحاول إصلاحه= ولاشاف الأذاء على طريق وقّف وزاحه
تعب نفسه لفعل الخير عنده يعتبر راحه= قضاء حاجات خلق الله على نفسه يبدّيها
وفي جمع الشمل بين القرايب والأهل يشقاء= يصالح بين ذات البين ينهاهم عن الفرقاء
يوالف بينهم ويقول بين الناس ما يبقاء= سواء طيب ذكر والناس مذموم تجافيها
رضاء امه غايته بالطيب والحشمة يعاملها= ماقال أفٍ لها ورجولها لاصبّح يقبلها
جزاها بالوفاء برّ وعلى نفسه يفضلها= يعاملها بأدب عند الغضب يضحك ويرضيها
وبوه اللي تعب لجله سنين وحسن اطباعه= له التقدير والحشمة وكلّ السمع والطاعه
يخدمه في مشيبه بالرضاء وييسر أوضاعه= وطاعة والدينه حق والحاجة يراعيها
ولايقطع صلة رُحمه عفيف النفس متواضع= سميح مايعرف البغض قلبه ياصل القاطع
ومن جزل الصفات الطيبة واخيارها جامع= صفات الطيب لاهل الطيب والطيّب يخاويها
هذا عبد الله اللي رضي عنه ربنا وارضاه= جزاه الله خير وعانه المولى على تقواه
على درب الهداية سار واللي قدمه يلقاه= طمع في سلعة المولى هذي الجنة ياباغيها
وهي غاية مقاصدنا عسى ربي يمتعنا= بها والله لايحرمنا من الجنة ويقنعنا
من الدنيا الدنية باليسير وكلّ مطمعنا= نفوز بجنة الفردوس والربحان شاريها
بها نلقاء مالذّ وطاب لانفسنا ونتمناه= نعيمٍ دايمٍ وثمارها ياطيبها طيباه
وفيها الفاكهة من كلّ نوع طيب مجناه= قطوف دانية ياطيبها طابت مجانيها
يسوق الله رياح كلّ ما مالت لها الغسان= لحنها يبهج الخاطر وتشدو بأعذب الألحان
تسر النفس نغمتها وفيها بهجة الوجدان= أخير ا من الوتر والعود والحان نغنيها
تراب الجنة من المسك فيها الروح والريحان= ودايم مستريح البال لاجايع ولاضميان
وفيها التين والزيتون والأعناب والرمان= وفيها ما اشتهت نفسك وطاب لها ويرضيها
بها انهار بدون اخدود تجري لذة للشرب= جرت خمر ولبن واحلى العسل وازكاه والماء العذب
شرابٍ لذة للنفس منه العقل ما يذهب= وحفت بالعنب والنخل والرحمن مجريها
جرت بأمر الكريم الحمد له فيها النعيم يدوم= سرور وتغمر النفس السعادة ما بها مهموم
وكاسات دهاقاً طيبة رحيقها مختوم= بمسك والذهب والفض والياقوت أوانيها
ومن ما تشتهي لانفس ولذّ وطاب في الجنة= عطايا من عظيم العرش سبحانه
له المنه عسانا نارد لحوض الرسول ونرتوي منه= ونشرب شربة ماعاد يظماء قط ظاميها
أهلها أتراب سن مخلدين بجنة المأوى= لو تفكر بما فيها ترا دنياك ما تسوى
هني اللي ما يشغل باله إلاّ الدين والتقوى= ولاغرّه هوا نفسه ودنيانا ومافيها
أهلها يلبسون ثياب خضر وقدرهم مرفوع= حريرٍ خالص فيها البها من كلّ شكل ونوع
من استبرق ومن سندس حلال ولابها ممنوع= عجز في وصفها التعبير ماشي يضاهيها
تحيتهم سلام وعايشين في حياة غير= سرور وعالأرايك متكئين وفي نعيم وخير
ومن ما تشتهي الانفس كلو من اشهى لحوم الطير= مالايخطر على بال البشر ويفوق أمانيها
إذا ما التقى الأحباب ما شا الله كما البدران= وتقبيلٍ وكاسات الرحيق بأكفف الولدان
بعد غاب الرقيب ولا نكد لاهم لاحرمان= سرور يغمر النفس وسعادتها تباريها عرايسها
لهن وصف جمع ماكان يحلالك= جمال يعجز التوصيف ما يخطر على بالك
ذوات الحسن حور العين يامسلم هنيا لك= ظفرت بها وربي من جمال الحسن معطيها
كأن البرق يوضي نوره الصاطع من البسمة= تبسمها ومبسمها من أزكى الطيب له نسمه
ذوي خلق رفيع والحياء والذوق والحشمة= محياها ضحوك وحسنها الباهر محليها
مليحة وجه يعكس نوره الساطع وبيضاء خد= ظريفه طول ريانه ورويانه نحيفة قد
لطيفه جسمها ناعم وفتانة غضيضة نهد= تسر العين نظرتها ولامل النظر فيها
عفيفه بطنها ضامر خجول عند نظرتها= ويخطف نظرة عيونك تمغنجها بمشيتها
من اللولو من المرجان والياقوت حليتها= حياها زادها حسن وبها مامل هاويها
بكارتها تجدد كلّ يوم وهي تعوّد بكر= وشي في تواصيفه وتوصيفه يحير الفكر
نعيم دايم في جنة المأوى جزاه الشكر= سعيد الحظ من تاب وبنا له منزل فيها
واهل نار الجحيم الله يكافينا عذاب النار= جنو ماقدموا ياويلهم ياحسرة الكفار
ماينفعهم ندمهم والتوجد لانتها المشوار= بعد لهو الحياة وخابت النفس ومساعيها
ياحسرة من كفر بالله ياويله ويل بعد الموت= ولو قال ارجعوني لعمل الصالح مافاد الصوت
وليت ولو وش تفيد التماني يوم فات الفوت= بيوم الحشر ما قدم من أعماله يلاقيها
يجازاء بعمله بالعدل لا ظالم ولا مظلوم= ويحرم من نظر وجه الكريم الواحد القيوم
يخلد في الجحيم ومن نعايم جنته محروم= يقودونه على وجهه إلى النار ويصاليها
وزاده من ضريع وشربه الصديد واليحموم= يقلب في الجحيم وزمهريرا بردها مسموم
ونار حارقة يصلا صقر ولاكل من زقوم= وقود النار من ناس وحجر والغيض يغليها
عذاب الله شديد ومن يقدم شر يلقاء شر= ومن قدم لنفسه خير بالخيرات يتبشر
أهل نار الجحيم وجوههم قبيحة المنظر= وجوه غبر سوداء مظلمة والنار تشويها
هذا والله وأعلم والأمل في رحمة الرحمن=بشر وخطي واصيب الكامل الله واسع الغفران
وانا مثل البشر ومعرض للزود والنقصان = وزلات اللسان الله يكفينا بلاويها
يقوله شاعر حاول يقدم خير ياهل الخير= بيوت من تمعنها تفيده سهلة التفسير
قصيدة في معانيها الوفاء وآسف على التقصير= مشاعر شاعرٍ خير الذكر جمّل معانيها
وصلوا يا عباد الله على الهادي رسول الله = شفيع الخلق يوم الحشر سيد كلّ خلق الله
ومن صلى على محمد صلاة ياعباد الله = يصلي الله بها عشراً على عبد يصليها
عليك ازكى صلاةٍ يامحمد سيد الأنام= تبعنا سنّته والحمد الله ديننا الإسلام
على المحجة البيضاء تركنا والسلام ختام= نصيحة جعل فيها خير لاهل الخير نهديها[/poem]

سبحانه جل جلاله رب العالمين



حجززززززززززززز فاخر مع مرتبة الشرف يابوعبدالهادي



الشاعر الكبير سعيد الحازبي



صح لسانك تريليوووون × تريليوووون ولايكفوووون



قصيده رائعه برتبة معلقه يابوعبدالهادي



جزله جزله من شاعر علم عودنا على الجزاله وقوة المعنى في قصائده




سجل اعجابي بقصائدك الجزله الرائعه وبشخصك الكريم المحبوب




تقبل تحياتي واحترامي

سعيد الحازبي 0
شكرا لك على هذه القصيده العصماء 0
يسعدني أن أكون أول المصافحين لهذه المعلقه 0
دام تواصلك 0

العلم

سعيد ابوديه

بيض الله وجهك

شاعر وقصيده أكبر من أي تعليق وفوق كل شهاده


بيض الله وجهك الى يوم الدين


يا شاعر المعلقات المعاصره


الله يحفظك

الاخ الشاعر

سعيد الحازبي

صح السااانك

قصيده رائعه من شاعر رائع

بارك الله فيك وفي فكرك

تقديري وتحيتي

قصيدة تمجيد وإخلاص وتعظيم ..

كتبت بيقين ..



لله درّ شاعرها ..


لا احرمه الله اجرها ..

واجر من مشى بتوجيهاتها ..


دمت لنا يا سعيد ..

واسعد الله ايامك ..

اخوك
س
ع
د

[grade="00008B FF6347 008000 4B0082"]صح لسانك..............وعلا شانك
لاهنت[/grade]

اخوي الشاعر سعيد الحازبي

لله درك من شاعرٍ لا يرضى بغير الابداع والجزاله

وافي وقصيدك دايم وافي

صح الله لسانك اليوم ودوم

اخوك

أخوي سعيد الحازبي

صح لساااانك مليوووووون وبيض الله وجهك

قصيده رايعه ووافيه من راس وافي

لايستغرب الابداع من اهله

لك فاائق احترامي وتقديري

سعيد الحازبي 0
شكرا لك على هذه القصيده العصماء 0
يسعدني أن أكون أول المصافحين لهذه المعلقه 0
دام تواصلك 0

الاخ الفاضل عبد الله المنصوري

اشكرك على المرور المشرف

لاعدمتك يالوافي

[frame="1 80"]

ابو عبد الهادي

صح الله لسانك

معلقة ووصية ونصيحه وسمها ما شئت

بيض الله وجهك

تقبل التحيه والتقدير

اخوك

ابو نايف[/frame]

الشاعر الفذ سعيد الحازبي

لله انت ياشاعر

قصيده نحن في امس الحاجه للتوقف عند مفرداتها وابياتها المليئه بالتوحيد والشكر لله سبحانه


اثابك الله واحتسب اجرك


دمت بكل خير وعافيه


اختك

ماشالله تبارك الرحمن



وصح الله السانك مليار ياسعيد معلقه ولا اروع


تقبل تحياتي

سعيد
عز الله انك قلت وطلت
وكفيييت ووفيييت
قصيدة بمنتهى الروعه
صح الله لسانك
ولاهنت
دمت برعاية الله وحفظة

عندما اكون محظوظه اصادف قصيده لسعيد الحازبي

وعندما يبتسم حظي أكثر اتلقى مثل هذه القصيده

بالفعل قصيده واكثر..ماشاالله تبارك الله

رمز من رموز الشعر يااستاذي ..دمت بخير من الله

احترامي