Tweet
فارس وراشد وفريال
بعيدا ً عن جو الاسهم 
[poem=font="Simplified Arabic,5,sienna,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
عندي صديق الصدق والصدق ينقال=انه عديل الروح واكثر شويه
مطنوخ راس يعد ليعدت رجال =سمين فعل وفيه طيب وحميه
واهم من هذا موظف بالأحوال =بيده يحل المشكله والقضيه
لكن خبيث بحسن نيه وحيال = وراعي مزوح وله مقالب قويه
والبارحه جيته وانا حالي أحوال= ابغاه يفزع للعيون الشقيه
قلت انت يا راشد ترى حسبة الحال=ومثلك خوي ٍ ما يخلي خويه
ياخوك انا دقت علي بنت جوال = بصوت ساحر كنها راعبيه
صوت ٍ رشفته رشف خارم لنفجال= فنجال بن اشقر من الشاذليه
تقول هاي .. وقلت يا مرحب طواال =قالت منو فارس ؟ وقلت إيه إيه
قالت شو إيه.. هيدا مو حكي ينئال=قلت اقصد محاكيش سالم خويه
قالت يا ربييييي هالحكي حكي بئال=شو هيدي محاكيش .. سالم .. يا بيييه
اسمك أديم ومو موسيئي يا رشاال = نيشيف وفيك تشوف حاجه طريه
أوص شي اسم احلى بيلبـئ لفريال=وانده على فارس أمر هالعشيه
قلت البلا الاسود ابو كشر وتلال = اللي سنونه صف خبلان زيه!!
قالت شو عم بتئول شو تل وجبال = شو هالبلا .. قلت البلا والبليه!
كيف اقدر اخاويش يا منية البال = ووش لش ومن برطمه برطم مطيه !!
قالت أبل لا اسادءك شوف يا خااال =لازم تفرجيني ( شو اسما ) الهويه
واسمك موديرن وفيك ما تلبس عئال= يعني سبور بهيدي ... التابعيه
قلت ابشري لكن أسامي هالعيال = هيثم .. لؤي .. وائل .. ما تركب عليه
قالت على زوئك .. اسم فارس هبال = قلت آمري يا احلى الورود الزكيه
( سالم ) على شانش نبيعه وبريال=وبكره وعدنا يا شذى النرجسيه
واليوم يا راشد مدام الغصن مال= ساعدني بحل العلوم العصيه
دامك موظف في الحكومه ورجال=تعرف الامور الظاهره والخفيه
ترى حكومتنا ما ترضى التبهذال = وتحب ما يسعد قلوب الرعيه !!
غير لي الصوره ببدله وسلسال = وغير لي اسمي لا تضيع الصبيه
والينه يرواغني يمين وشمال = اجي كذا ويجي كذا ثم كذيه
يلف ثم يدوور ويدوووور ثم قال=الا البنيه ..! وش وصوف البنيه ؟
قلت البنيه شي يا رااشد خبااال=غنج دلع البنت مثل الشويه
قال اطلبك طلبه بلا خبط وعقال=انا في وجه الله رب البريه
انا الذي قلدت لك صوت فريال= وكل الحكايه .. بس مزحه قويه!![/poem]
وسلامتكم ... سالم بن جلعان 
تعليق