يظامي وله ؟؟ برتشف من ماك!!

تعبير خاص.........

ياما على شوفك انا حلمت
،،،،،،،،، ظامي وله برتشف من ماك!
وياما على بعدك تحملت
،،،،،،،،، حكم القدر يازين بجفاك
حالي نحل لوكلت وشربت
،،،،،،،،، والنوم عفته من عرفناك
أبتسم.. لو إنك تبسمت
،،،،،،،،، أزعل لزعلك وارضى لرضاك
أشتاق بوجودك وإن غبت؟
،،،،،،،،، أشتاق لك..واشتاق بلقاك
مايهمني شوصرت..شوكنت
،،،،،،،،، ولاتهمني الدنيا بليـاك
يهمني في الكون بس إنت
،،،،،،،،، صوتك..وهمساتك..ولقياك
وسبعةبحورالدنيا لو رمت؟
،،،،،،،،، لاقطع مسافتها لرويـاك!!
لابحر بلجاتٍ وإن غصـت؟
،،،،،،،،، أذكرك؟..واتنجيني ذكراك!
واصارع الموجات وإن تهت ؟
،،،،،،،،، قلبي دليلي صـار ينصاك!
وأوصل لشاطي الشوق وان مت؟
،،،،،،،،، عمري ترى فدوى لعيناك!!!!
والله لو ما الحب ماصحت
،،،،،،،،، ولاتبعت بيـوم مجـــراك
لوكان قتلي فيك مابحت
،،،،،،،،، أخفيك في روحي وأدراك
لاعاش من يوشيك بالصمت؟
،،،،،،،،، ولا عاش من بالجهر يشناك
مافيك نقصانٍ تكملت
،،،،،،،،، ذربٍ..مهذب..ذهب..محلاك

الشاعره بدعه

سجلي اعجابي بهذه القصيده .

قوافي موزونه بلهجة محلية زادة من جمال القصيدة ..



سهم

للحجز

غناتي سهم المنايا..." يعل سهم المنايا في ظهر من يكرهك"

تسلم لي والله ......

ويشرفني أنك أول من رد عليها..

تسجيلي لإعجابك ما هو إلا تسجيلي لشهادة تقدير أعتز بها..

تسمح لي أبروزها؟؟؟؟؟

النايفه ،،،،،،،،،،،،

يابعد عمري والله......


والله



والله



والله

أبتسم.. لو إنك تبسمت
،،،،،،،،، أزعل لزعلك وارضى لرضاك
أشتاق بوجودك وإن غبت؟
،،،،،،،،، أشتاق لك..واشتاق بلقاك
مايهمني شوصرت..شوكنت




وأوصل لشاطي الشوق وان مت؟
،،،،،،،،، عمري ترى فدوى لعيناك!!!!


كله ابداع يابدعه

بس تبين الصدق ؟؟


والله لو ما الحب ماصحت
،،،،،،،،، ولاتبعت بيـوم مجـــراك

اقسم انك ابدعتي صدق !!


تحياتي

الباريسي

تقبرني والله ......

[الكويتيه العنيده]

صح لسانج ولا هنتى يا شاعرتنا

مساء الخير
********

الاخت العزيزه الشاعره / بدعه
***************************

احب ارحب معنا بالنداوي ... وسعيده جدا بنضمامك لهذا الكم الكبير من خيرت الشعراء والشاعرات ...هذى اول مصافحه لموضوعك قرات ثم رجعت اقرا مره اخري .... وصلت الى الاتى :-


ابداع ، ثقه ، مقدره على الوصف مميزه ، جمال ورشاقه الكلمات ، مضمون مغلف باريج الكادي .

شكرا على هذا الابداع يا بدعه متمنيه لكى دوام النجاح والتوفيق

تقبلي تحياتى

غناتي .. الكويتيه العنيده

هلا بديرة احباب قلبي ..

هلا بالكويت وأهل الكويت ...

المهلي مايولي يابعد عمري ...

مصافحتك فخر لي..

واهديك هالكلمات ..


ياكويتنا الحره
،،،،،،،،، دار الكرم والجود
يالولو..يا دره
،،،،،،،،، بوسط البحر موجود
ورجالها عبره
،،،،،،،،، وقت المهام إسوود
مانرتضي كسره
،،،،،،،،، شموخـك المعهـود
غالي يظل قدره
،،،،،،،،، لو ألف عام يزود

يهمني في الكون بس إنت
.........صوتك..وهمساتك..ولقياك

وسبعةبحورالدنيا لو رمت؟
.........لاقطع مسافتها لرويـاك!!

لابحر بلجاتٍ وإن غصـت؟
.......أذكرك؟..واتنجيني ذكراك!

واصارع الموجات وإن تهت ؟
........ قلبي دليلي صـار ينصاك!

وأوصل لشاطي الشوق وان مت؟
........ عمري ترى فدوى لعيناك!!!!




ماشاء اللـــــه عليك يا بدعه قصيده تطرب ...

قصيده ذربه...

وأذرب ما فيها لهجتها ... يا سلام علي الشاعر إذا كتب بدون تكلف وبعفويه ...

امتعتينا يا شاعرتنا

صح لسانك........... جميل جميل





وارجو ان لا تحرمينا من مشاركاتك النثريه في منتدى النثر

وهذا هو اللنك ....؛ وشكرالابداعك
http://www.alnadawi.net/vb/forumdisplay.php3?forumid=11

اخت الشاعره بدعه

صح الله السانك على هذه القصيده الجميله

وارحب فيك بين اخوانك واخواتك ولو انها متأخره

تحياتي لك

قلب الذيب

ما قصرت ياخوي...

كلامك اللي أطربني .. ودفعني لكتابة قصيدة جديدة ..

انتظرها مني .......

سعد القريشي

الله يخليك ويبقيك إلنا يارب رمز لكل شي جميل تعلمناه وبنتعلمه من هالمنتدى .......

الاخ وقاد ...

ياهلا ومرحبا بالطيبين ...

ترحيبك وتوقيعك أعتز فيه ...

شكرا لك ......