Tweet
السلام عليكم ورحمة الله وبركاته ..
جديده يسرها مروركم الكريم ..
جديده يسرها مروركم الكريم ..
[poem=font="Simplified Arabic,6,darkred,bold,normal" bkcolor="transparent" bkimage="" border="none,4," type=2 line=1 align=center use=ex num="0,black"]
وش تبا مني يوم انك جيت يابدر البدور=ماكفاك الجرح الاول ياسببه وياغثاه
جيت تجرحني وتقهرني وأنا دمي يفور=كنك اللي يذبح الرجال ويحضر في عزاه
تحسب ٍ الناس تمشي دون عقل ودون نور=أصحى يانايم تراني كاشف البير وغطاه
أنتهزت اللي في حبك لايغش ولا يبور=تضحك بوجهه واذا قفّى طعنته في قفاه
مادريت ان أحتراقي لك مثل حرق البخور=أحترق والطيب لك مني .. ولي جمر الغظاه
مادريت اني عشانك غصت في كل البحور=بين هم وبين دمع وبين جرح وبين أه
مادريت اني قتلت المحبرة فوق السطور=أحتوى صدري كلام ورحت أفرّغ محتواه
مادريت ومادريت ومادريت اني صبور=لو سواتك ذي في غيري ماكفاك الله بلاه
من كثر ماكنت أحبك .. يالله أغفر ياغفور=ماتقول اني خلقت إلا عشانك بالحياه
كنت غالي لا لا أكثر , وصفي يغشاه القصور=كنت عمري لا لا أكثر من هذاه ومن هذاه
كنت بالنسبه لي أكبر من غرام ومن شعور=كنت شي ٍ لو بحاول أوصفه ما ألحق مداه
كنت زهرة ما اقطفوها .. نابته بين الزهور=لين جاها من قطفها ثم غرسها في ثراه
ليتك اللي باع أخر ماشرى ظلم ٍ وزور=وأشترى آول غرامه .. كان يقدر مشتراه
المصيبه جيت تجمع بين ذيب وبين ثور=ياخي أخلاقي ماتسمح أتعشى من عشاه
تحسبنّي مانسيتك !! والزمن طبعه يدور=عكس حبك صرت أعافك .. والغدر هذا جزاه
يعني أرجع لا تزوّدها وأنا دمي يفور=وأسمع اللي لك بقوله زين وخل بالك معاه
البنادم مهما عمّر مرجعه تحت القبور=من عقب زين الملابس .. الكفن أخر رداه
أما يرقد في نعيم .. ومسكنه جنه وحور=والا يصرخ في جحيم .. وينشوي مثل الشواه[/poem]
اخوكم .... خالد عزيز الديحاني
...
...
[/align]
تعليق