كل ذكرى تنتهي

السلام عليكم
عيدكم مبارك وكل عام وأنتم بخير
واليكم هذه المتواضعه من جديدي
بعد توقف عن الشعر العاطفي
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
كل ذكرى تنتهي مهما يصير = غير ذكرى الجرح تبقى للأبد
كنّها البركان في اقصى الضمير= ينفجر لحظه ولو عندك خمد
جرحي اللي ابتدا يومي صغير= لو كبرت اليوم نزفه في مدد
والسبب ريمٍ خذت قلبي أسير= وثقت نبضه بحبل من مسد
خدها منه البدر اصبح منير= والشفايف ورد في طعم الشهد
بنت عز ولا تباهى بالحرير = في عفاف وطيب ما يعرف باحد
زينها في البيض ما له من نظير = من رآها خر لله وسجد
نظرةٍ وحده بها السيف الشطير= اقسمت ما بين روحي والجسد
قلت انا بالله منّك مستجير = وش لك بماشي بدربك ما قصد
وش تبين اليوم بالقلب الكسير= فيه ما يكفيه من هم ونكد
قالت ان الحب برّاقه خطير= لا ابتدا يمطر فحذراك البرد
لو روى الأزهار من فل وعبير= يجرف اللي في طريقه ما صمد
كانك الغرقان في ضحل الغدير= لاتلوم اللي ببحرك انولد
واستمر الحب دفاقه غزير= نرسم الآمال باحلام الرغد
ما حسبنا وين ياخذنا المسير= ولا درينا بالمقدّر وش رصد
ولا بنيّة من يخطط للمصير = من يبيع ولا يهمه من نقد
جوزوها غصب للعود الكبير= وانتهت احلامنا مثل الزبد
وابتداني الحزن ما منّه مجير = انزف الآهات واحيا في نكد[/poem]

قالت ان الحب برّاقـه خطيـر
لا ابتدا يمطر فحـذراك البـرد

أخوي عثمان

كل عام وأنت بصحة وسلامة
وعساك من عواد العيد وروادة إن شاءالله

نزف من الاعماق
وبوح رائع
أجدت وأحسنت بهذه الرائعه
صح الله لسانك
ولاهنت
تقبل تحياتي

الاخ عثمان العبدالله


صح السانك على هذه الرائعه


وعسى الله يعوضك عنها بالصبر



تقبل تحياتي

الشاعر عثمان العبدالله



صح لسانك وسلم بنانك



قصيده رائعه من راس مبدع




لك احترامي وتقديري

الشاعر\عثمان


صح لسان

قصيده قمه فاالجمال

الله لايهينك


تحياتي

هلا ومرحبا بك أخي مناور
عيدك مبارك
وكل عام وأنتم بخير
كريم مرورك وتفاعلك الراقي فخر لأخيك
لاهان راسك يالغالي
تقبل أطيب تحياتي

عثمان

صح السانك ولاهنت


قصيده رائعه من شاعر متمكن


لك تحياتي