[poem=font="Simplified Arabic,5,blue,normal,normal" bkcolor="transparent" bkimage="http://www.alnadawi.com/vb/images/toolbox/backgrounds/17.gif" border="none,5," type=1 line=0 align=center use=ex num="0,black"]
حلالاه يا شاصٍ بخشم الريال يجاب = له الشيك من عدّة ضمانات بنكيّه
يجي كاش . لا استيجار لا اقصاد لا استكتاب = على طول للذمّه حيازه وملكيّه
من اهل الوكاله ما عرف غيرهم جلاب = فريد ( اسبشل) ومواصفاته خليجيه
أناتل و ( فل أبشن ) و ( سي دي ) ريموت ابواب = سبيرينه بغطيان الكروم مكسيّه
وحلالاه يا تلّة جنابه بدون عتاب = لذيك الجبال الراسيات الجنوبيّه
تباريه جيبينٍ عليها من الركاب = حرارٍ على النالات وسلوم جديّه
نضاف الخفا . طلق الملحّا . قصار ثياب = وكلٍ على حقوه تحزّم بجنبيّه
يجونك على العزوه عجالاً تقول ذياب = يشيلونك من الشمس في بارد الفيّه
ليا اقبلت صدرك يشرحونه من الترحاب = واذا اقفيت ظهرك يمّنونه من السيّه
فلا فيهم الواشي ولا فيهم المغتاب = ولا فيهم لطبعة هل الذلّ ماريّه
نوجّه لشعبانٍ عليها البرد رذّاب = جنوبٍ جنوبٍ في ديار الحبابيّه
ليا عاث في الساحل ( أوغست ) المسمّى ( آب ) = يسوق الرطوبه في متاهات جويّه
وننصا غديرٍ عذب يهنا به الشرّاب = على جاله المسفط ليا قالو هنيّه
يبنّا وجار الضو من فوقه المركاب = وزلٍّ حمر متشاخصاتٍ مراكيّه
ورصّو حمولٍ للحطب جابها الحطّاب = وبتّو الزهاب وشعشعت نارهم حيّه
ودنّ النجر تسمع لصوته لحون عذاب = يدندن على نغمة لحون الهواويّه
صفوف الدلال وصفحة الحمس والمشهاب =وغمرٍ على يمناه هيلٍ وبريّه
فليا فاحت الرسلان قرّب لها الصبّاب = يقلّط فناجيل اليمن للشقرديّه
واذا جا العصر كلن ضرب له طريق وغاب = مَعَ كلّ فجٍّ بالمواتر ورجليّه
أحد جرّ له منكوس في عالي المرقاب = يبيّح همومٍ داخل الجوف مكنيّه
وبعضهم تتبع زول الارنب بجال هضاب = وراها وبيديهم كلاشات روسيّه
ليا وقّعو في راسها طلقة الشبّاب = يشوفون الاخرى وينهي فيه مخفيّه
وكلٍ ضوى ربعه يبشرهم بما جاب = عشاهم شرود الصيد ما هوب طعميّه
بعده السوالف سردها يبري المنصاب = حديث وقصيدٍ يشرح الصدر يا حيّه
ولا سولفو في سهم سابك ولا ينساب = وبيعو المكيرش واشترو في الغذائيّه
غنيين بالمولى جزيل العطا الوهاب = بدرب الطلاقه والظفر صفّو النيّه
واذا الشاص ما ودّى لذولا الرجال وجاب = فلاني زبونٍ له ولا نيب شاريّه
خوي المطاليق[/poem]
حلالاه يا شاصٍ بخشم الريال يجاب = له الشيك من عدّة ضمانات بنكيّه
يجي كاش . لا استيجار لا اقصاد لا استكتاب = على طول للذمّه حيازه وملكيّه
من اهل الوكاله ما عرف غيرهم جلاب = فريد ( اسبشل) ومواصفاته خليجيه
أناتل و ( فل أبشن ) و ( سي دي ) ريموت ابواب = سبيرينه بغطيان الكروم مكسيّه
وحلالاه يا تلّة جنابه بدون عتاب = لذيك الجبال الراسيات الجنوبيّه
تباريه جيبينٍ عليها من الركاب = حرارٍ على النالات وسلوم جديّه
نضاف الخفا . طلق الملحّا . قصار ثياب = وكلٍ على حقوه تحزّم بجنبيّه
يجونك على العزوه عجالاً تقول ذياب = يشيلونك من الشمس في بارد الفيّه
ليا اقبلت صدرك يشرحونه من الترحاب = واذا اقفيت ظهرك يمّنونه من السيّه
فلا فيهم الواشي ولا فيهم المغتاب = ولا فيهم لطبعة هل الذلّ ماريّه
نوجّه لشعبانٍ عليها البرد رذّاب = جنوبٍ جنوبٍ في ديار الحبابيّه
ليا عاث في الساحل ( أوغست ) المسمّى ( آب ) = يسوق الرطوبه في متاهات جويّه
وننصا غديرٍ عذب يهنا به الشرّاب = على جاله المسفط ليا قالو هنيّه
يبنّا وجار الضو من فوقه المركاب = وزلٍّ حمر متشاخصاتٍ مراكيّه
ورصّو حمولٍ للحطب جابها الحطّاب = وبتّو الزهاب وشعشعت نارهم حيّه
ودنّ النجر تسمع لصوته لحون عذاب = يدندن على نغمة لحون الهواويّه
صفوف الدلال وصفحة الحمس والمشهاب =وغمرٍ على يمناه هيلٍ وبريّه
فليا فاحت الرسلان قرّب لها الصبّاب = يقلّط فناجيل اليمن للشقرديّه
واذا جا العصر كلن ضرب له طريق وغاب = مَعَ كلّ فجٍّ بالمواتر ورجليّه
أحد جرّ له منكوس في عالي المرقاب = يبيّح همومٍ داخل الجوف مكنيّه
وبعضهم تتبع زول الارنب بجال هضاب = وراها وبيديهم كلاشات روسيّه
ليا وقّعو في راسها طلقة الشبّاب = يشوفون الاخرى وينهي فيه مخفيّه
وكلٍ ضوى ربعه يبشرهم بما جاب = عشاهم شرود الصيد ما هوب طعميّه
بعده السوالف سردها يبري المنصاب = حديث وقصيدٍ يشرح الصدر يا حيّه
ولا سولفو في سهم سابك ولا ينساب = وبيعو المكيرش واشترو في الغذائيّه
غنيين بالمولى جزيل العطا الوهاب = بدرب الطلاقه والظفر صفّو النيّه
واذا الشاص ما ودّى لذولا الرجال وجاب = فلاني زبونٍ له ولا نيب شاريّه
خوي المطاليق[/poem]
[/align]
تعليق