Tweet
ودي انشد من غفت عينه ونـام = عن حلومٍ في الكرى دومٍ تجيه
كيف ماجالـه خيالـي فالمنـام = كيف ما أطري على باله وليـه
اعشقه والقلب فالحب استهـام = والله لو يطلب خفوقي لافتديـه
من كثر ما احس في قلبي غـرام = لو على العالم يوزع يحتويـه
ان حكـى الله يامحلـى الكـلام = وان تغنى صوت لا يعلى عليه
وان تضايق قلت عالدنيا السلام = كل ضيـقٍ يعتلينـي ،، يعتليـه
بس له في قلبي أشويـه مـلام = ودي اعرف قبل اعاتب واشتكيه
كيف ينسى من سلى كل الانـام = وماسلى طرفه عن اللي يحتريه
كيف غاب ولا ذكرني ياحرام = كيف يترك له حبيب يموت فيه
ودي اعرف كان لي قدر ومقام = والا قدري طاح من عينه كذيه
كل هذا ،، !! وعاد له عندي احتـرام = لو تأسف يلقى قلبـي يرتجيـه
بس هو يرجع وانا والله مانـام = ولا أسله عن سبة الهجـران ليــه !
وسلامتكم
تحياتي
اختكم
[/align]
تعليق