Tweet
الموت لاجاتك من أغلى الصحايب !!!
0
0
صلــــو على النـــــبي
0
صلــــو على النـــــبي
[poem=font="Arial,5,white,bold,italic" bkcolor="white" bkimage="http://www.alnadawi.com/vb/images/toolbox/backgrounds/3.gif" border="none,5,black" type=0 line=0 align=center use=ex num="0,black"]
وجدي وجود اللي توفى صحيبه=وجدي وجود اللي حياته مصايب
وجدي وجود اللي طعونه عطيبه=وجدي وجود اللي تركته الركايب
وجدي وجود العود شالح لذيبه=وجدي وجوده فاقدا"ذيب شايب
وجدي وجود الزير وفقده كليبه= وجدي وجوده طعن أخوه بحرايب
وجدي وجود اللي فقد كل صيبه=وجدي وجوده هملوه بخرايب
فرقا الصديق الصادق اكبر مصيبه=فرقاه والله من كبار المصايب
وش ينفع الرجال لاقفى قريبه= لاصار في عينه جميع القرايب
للصاحب المخلص ادوس الصعيبه= واصبر على الزلات لو هي صعايب
آفز لامن ون وآقف واجيبه=وارضيه لوكان الرضا بالطلايب
وارخص له الغالي واطفي لهيبه= وآقف سند لاهل دمعه سكايب
واليا اشتكى من همه انا طبيبه= واذكره بالرب وقت النشايب
وادمح له الزله ولو هي رهيبه=وارمي الخطايا مع براد الهبايب
الا ليا من جاب ذيك العصيبه=الطعنه اللي في القفا كالحرايب
الطعنه اللي في القفى من حبيبه= تهون لاجت من عشيق وحبايب
الموت لاجت من صحيب لصحيبه=الموت لاجاتك من أغلى الصحايب
دمحت له زلات وجاب المصيبه= وباع الصداقه بالغدر والشوايب
شف الرجل يطعن بخنجر حريبه= عدوه ارحم من خيانة صحايب
والحين بقفي والله الله حسيبه = بنساه لوفرقاه جابت عطايب
لامن غدرني ياعلي ويش ابيبه=ببعد ولو في البعد مر ونشايب
والطعنه اللي في القفى من حبيبه= تهون لاجت من عشيق وحبايب
الموت لاجت من صحيب لصحيبه=الموت لاجاتك من أغلى الصحايب[/poem]
وســـــــــلامـــــتكم
[/align]
تعليق