لبّيه يا صوت التقى والسكينه
يا داعي التوحيد .. في نبرة بلال
لبيه يا صوتٍ رواني معِينه
به تطمئن الروح في كل الاحوال
نادى المنادي والبشر سامعينه
واقبل على صوته مقيمٍ ورحال
كلٍ هفا لله يرفع يدينه
والقلب ساجد في محاريب الاجلال
متوجهٍ لله يمرغ جبينه
دمعه من الخشيه على لحيته سال
كاسر هوى دنياه مقفي لدينه
ما كِن له فتنه عيالٍ ولا مال
مقبل على المسجد لربه رهينه
ماخذ من الرحمه على القلب سربال
تمشي خُطاه وشايلت له حنينه
ترفع بها حَسْـنَهْ وينحط مثقال
أقبل على المسجد وقدّم يمينه
واخذ نفس مفعم بذكرٍ وتهلال
واستقبل القبله ونادى مِعِينه
اللهُ اكبر .. وابتدى وقت الارسال
ثم اتصل باللي عراه المتينه
واخذ يناجي الله بايات الانفال
مقفي عن الدنيا بسمعه وعينه
وإلا الجسد لا زال في الارض لا زال
واخذ يجول الآخره في سفينه
تشيله امواج النعايم والاهوال
موجه تجي فرحه وموجه حزينه
يشكر ويرجي في محيطات الامال
لبَّا لربٍ بعد ما كان طينه
سواه بيده من ترابٍ وصلصال
اقبل على صوت التقى والسكينه
في موكب الرضوان في ثوب الاجلال
لبيه يا صوتٍ رواني معِينه
به تطمئن الروح في كل الاحوال
نادى المنادي والبشر سامعينه
واقبل على صوته مقيمٍ ورحال
كلٍ هفا لله يرفع يدينه
والقلب ساجد في محاريب الاجلال
متوجهٍ لله يمرغ جبينه
دمعه من الخشيه على لحيته سال
كاسر هوى دنياه مقفي لدينه
ما كِن له فتنه عيالٍ ولا مال
مقبل على المسجد لربه رهينه
ماخذ من الرحمه على القلب سربال
تمشي خُطاه وشايلت له حنينه
ترفع بها حَسْـنَهْ وينحط مثقال
أقبل على المسجد وقدّم يمينه
واخذ نفس مفعم بذكرٍ وتهلال
واستقبل القبله ونادى مِعِينه
اللهُ اكبر .. وابتدى وقت الارسال
ثم اتصل باللي عراه المتينه
واخذ يناجي الله بايات الانفال
مقفي عن الدنيا بسمعه وعينه
وإلا الجسد لا زال في الارض لا زال
واخذ يجول الآخره في سفينه
تشيله امواج النعايم والاهوال
موجه تجي فرحه وموجه حزينه
يشكر ويرجي في محيطات الامال
لبَّا لربٍ بعد ما كان طينه
سواه بيده من ترابٍ وصلصال
اقبل على صوت التقى والسكينه
في موكب الرضوان في ثوب الاجلال
[/align]
تعليق