صيف القاهره .. ( 2006 ) !!

متواضعه

نتمنى أن تجد قبول

.

[poem=font="Simplified Arabic,5,black,bold,normal" bkcolor="transparent" bkimage="" border="none,4," type=0 line=1 align=center use=ex num="0,black"]

.

ثمان وعشرين سبعه وافق الجمعه=وأرواحنا للسفر شفقانه وطمعه
فقلوبنا غصّه وفعيونا دمعه=على فراق الأهل والربع والديره
.

الكل منا مجهّز حلّته بدري=ندري بوقت السفر والطايره ندري
انشاط مابيننا متكاسل وسدري=والنيل قلب الهدف ماودنا غيره
.

فزوا النشاما على الجي الأبيض وجونا=وعلى مطار الكويت الشرح ودونا
لحظه بلحظه ولاراحوا وهدونا=حتى ختمنا على الباسبور تأشيره
.

رحنا انتسابق كما الغزلان للصاله=جمعا ولافيه واحد روح الحاله
نحاتي الوقت واللحظات قتاله=وماكل تأخيرة في هالزمن خيره
.

وعلى كراسي الكويتيه تسدحنا=كبينا هم الوزن والشحن وارتحنا
نومسنا شوف المدرح حيل وأفرحنا=وقمنا انتسمع حكي الكبتن وتحذيره
.

أول كلامه بداه بلا اله الا=الخافض الرافع اسمه يشفي العلا
اللي فرق بين أهل صنعا ومانيلا=كريم خير الخلايق من كثر خيره
.

قال اربطوا الأحزمه واقلاعنا قرب=سواقها ابن المضف وسيف مجرب
ضاري على الخط ومافي الخط ومدرب=فأمان رب السما وحفظه وتيسيره
.

بشويش جتني المضيفه اربط حزامك=دامك على متنها ياضيفنا دامك
شفني بربط حزام السيت قدامك=سهلٍِ ولامنه خوف وشكه وحيره
.

فك الكوابح مشت ياربنا سترك=وراشد عيونه ملاها الذل مستدرك
متى متي في مطار القاهره تبرك=هلّل وسبحن ولحّقها بتكبيره
.

طارت كما الحر لاجا في السما حبارى=ماهوب يشبح يمين ويشبح يسارى
من دون ماقد نوى مايبدي أعذارى=مايشتكي ناقله ضعفه وتقصيره
.

سرعة صواريخ ناسا وأسرع شويه=طلقه وشقة غلاف الجو عصريه
في بطنها غير طاقمها ثلاث ميه=راكب وراكب شعور وصعب تصويره
.

الغيم من تحتها والشمس تدفيها=وأرواحنا كلبونا معلقه فيها
تعطيك رغم اضطراب الطقس صافيها=ياسعد من يغتنمها في مشاويره
.

وصلت لابو الهول وف مينائه الجوي=ياحلوها في الهبوط وياحلو جوي
سعادتي وماتمنى وراحتي توي= غيث الفرح في السما لاحت تباشيره
.

في صالة القادمون الأمن طاربنا=جوز الجنيهات يوخذ من شواربنا
ندفها دف لا تكثر متاعبنا=واللي يبي راحته يرخي دنانيره
.

وفي موتر مايشيل اثنين بالراحه=ومايركبه واحد يدور على الراحه
واللي مثلنا (خليجي مسافر سياحه=لكن أبوناصر وشوره وتدبيره
.

قلنا ياافندم على رمسيس طوالي=روح لو انه صغير وزحمه وغالي
في ذمتي ماطرى غيره على بالي=لو في ذرو المندره يعطوننا حجيره
.

جيت الرسبشن وقال أهلين ياريّس=حسكنك في جناح انظيف وكويس
أحيا أمل واحد من حجزه مأيس=قال الحلاوه ياعم ولو بالليره
.

في الدور الأربع طعش وفر لنا اوضه=واوضه معاها وجاي الفرش عالموضه
كنها من جنان رب المصطفى روضه=يسعد بها الساكن ويرتاح تفكيره
.

لبْس الربع لبسهم وأنا علي ثوبي=دوبي أفكك شناطي بغرفتي دوبي
صاح التلفون نستناك في اللوبي=الراس خرمان ودوا الراس تعميره
.

حولت والناس مجتمعه وفرحانه=والقلب الأخضر مفتح كل بيبانه
وين الظبا اللي حوالي العد ضميانه=وينك يامنه وحلا شيحه وشاكيره
.

متزقرتن ماأشوف انسان قدامي=يسرق عيون العذارى حلو هندامي
طير ومن طيب فعله مخلبه دامي=ماكل شيهانة توصل مواكيره
.

سقت القدم يم أبو ناصر وأبوهادي =والجوّ ماهوب يوم ان جيتهم هادي
خطوة مليك الجموع باسمه تنادي =أعير ذاك اهتمام وذاك ماعيره
.

جلست معهم وكاس الشاي والشيشه=أصبحت من كيفها طاير كما الريشه
رغم الظلام ورغم كثرة خفافيشه=محلنا ماتلفت في مساييره
.

ساعه وثنتين لي عبدالله محمد=اللي تأخر عن اخوياه متعمد
شوقه لخفرع وخوفو جمر مارمد=وصل وهلا مسهلا في طيب السيره
.

بعد السلام وتحفّي بعضنا البعضا=مابيننا اللي من الأوضاع ممتعضا
داخل نوادي الفرح والانبساط أعضا=احساس تعجز بيوت الشعر تفسيره
0
عقبه على أحمد عوض والكيف والدله=وفنجال أشقر مذاقه يبري العله
وقدوع تمر الحسا لو تاكله كله=سكر طعمه ولو ان حباته صغيره
.

ومنّه على كل فندق جلسته عدله=زباينه بدلوا الدشداشه ابدله
اللي وصل يومها واللي هنا قدله=شعوب من كل دار ودوله وديره
.

١٣ ليل والروتين متغير=ماتسلم الجادل اللي تلبس قصير
والعوب وأم الغطا *****ة الخير=اللي لها في الهوى قيمه وتسعيره
.

وفي مطعم الطابيه ياحي هالطاري =يامن تنشد عن علومي وأخباري
عينت بنت خلقها الواحد الباري=حتي الخفوق الحجر تحييه وتثيره
.

عيونها وحسنها وحلو ابتسامتها=وشعرٍ كما الليل غطى طول قامتها
بدر السمّا ينحني قدام هامتها=بنات حوّا كَلَتْهن منّها الغيره
.

من الخجل ماتحط عيونها بعيني =وأنا أشاور من الاعجاب بيديني
أجيك ولاّ يالبّا قلبك تجيني=قالت تكلم بلا لفّه وتدويره
.

قلت أولاً يامسا الاحساس والطيبه=غيرك من البيض ولا السّمر ماليبه
ثقل وجمال ودلال ورقّه وهيبه=مهما اكبرت دنيتي من دونك صغيره
.

قالت كلامك سحر لكن على هونك=ماكل من رقق الك لسان مظنونك
يابن الملوح أكيد احساسك يخونك=أموت ماصرت للعشاق آسيره
.

أنا الهوى لوجرى في دم شرياني=وتكاثروا عند باب القلب خلاني
ماقرب الا أبوي وباقي اخواني=ولاّ حليلٍ أبيه وماأبي غيره
.

قلت السّموحه وأنا يازين متأسّف=ماني بمتكلم وماني بمتفلسف
وأبيك تدري على ماصار متحسّف=يالله عسى في صدودك يالغضي خيره
.

طلعت من هول ماواجهت متضايق=وسيده على غرفة الفندق مع السايق
كذاب لو قلت أنا مستانس ورايق=هذي ظروف الزمان وذي مقاديره
.

هنا انتهت قصّتي واللي جرى كلّه=أوّل قدومي فرح .. ونْهايته علّه
نشفت عروقي عقب ماهيب مبتلّه=وأمسيت عيني تحرّى شوفة الديره

.
.

[/poem]


وسلامتكم

وسامحونا على القصور

.

.

ياعيني على جمالك يامصر

.

.

صح لسانك شاعرنا فهد بن عبدان

على هذه القصيدة / المذكرات

.

.

دمت ودام حضورك

.

.

تقبل فائق تقديري واحترامي

اخوي فهد بن عبدان

الحمدلله علي السلامه

وصح الله السانك علي هذه القصيده الجزله يا جزل

لك اجمل تحيه

فهد



صح الله لسانك




وصباحك ورد وعطر



والله يردك سالم غانم




تحياتى

الشاعر فهد بن عبدان


صح لسانك وسلم بنانك


قصيده رائعه تحكي قصة السفره



الحمد لله على السلامه ونتمنى لك رحله سعيده في المرات القادمه



تقبل تحياتي وتقديري

مافيها قصور


قصيده ملحمه


صح الله السانك


وبيض وفي أنتظار القادم أحييك


اخوك

[frame="1 80"]
اخوي فهد بن عبدان

صح لسانك

لو تكتب قصه كان الاخوان في مصر بيشرونها بالغالي

نص رائع وتسلسل عجيب

تقبل التحيه والتقدير

اخوك

ابو نايف[/frame]

مصر البيت بيتك





صح لسانك ولاهنت



انا مارحت لمصر لكن بعد هالقصيده حجزت

محمد الفرحان


مرحبااااا بك طال عمرك


ونورتنا

فهد بن عبدان



اسلوب قصصي جميل وممتع

صح لسانك

ولاهنت

اخوي فهد بن عبدان


الحمدلله علي السلامه


صح لسانك وبيض الله وجهك


لك فاائق احترامي وتقديري

.
.





سعود آل شافي


مرحبااااا بك


نورتنا طال عمرك




.
.

رائعة بروووعتك يافهد

صح فكرك ودام حضووورك ويالبا كلش يا مصر

.
.




خالد الذيابي

شرّفتني بتواصلك هنا وهناك

لاهنت ولاعدمناك



.
.

.
.



هادي بن عسكر

صح بدنك

ومرحبااا بك

ويكفينا حضورك طال عمرك



.
.