أول مصافحه...وتبلد الاحساس

السلام عليكم ورحمه الله وبركاته

اخواني النداويه

مساكم الله بالخير هذي اول مصافحه لي واتمنتى انها تلامس شي من ذاقتكم

[poem=font="Simplified Arabic,4,royalblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
وصلت المرحله منها تبلد فيني الاحساس= بعد كل الشعور الي اكنه وانتمى فـــيها
بعد كل الوفى غابت ولا ادري بالسبب ياناس=غرقت وبحرها هايج ولا مدت لي ايديها
دخيل البسمه الي من وراها بارق الالماس=دخيل ادموعك الي من بعادي قد ذرفتيها
ابي ليه الغياب وليش هجرك وقعته كالفاس=وابي عذر(ن) يبرر صدتك وشهي دواعيها
وهبتك روح تقهر بالمشاعر لحظة الافلاس=ولا يقوى فراغ العاطفه يابنت ينهيها
عطيتك صادق الكلمه وصرتي جوهر الانفاس=غديت احسب سنين العمر افرق في لياليها
عجزت وماقويت اني اقارن والقا فيك قياس=عرفت ان الهوى درة بها الحامي حراميها
او انه ذنب لامنه غدى عرق الوفى دساس=له القاضي قضا بعدام وصفحه بيد يطويها
اسج بناظري لبعيد وفكري ياسره وسواس=غيابك طال والمده ابقضيها ابقضـــــيها
اعيش وللامل فيني عزومن ترتقي بالباس=على غفله تخيب امالي وتخلف هقاويها
صحيح احطام باقيلي ولكن ماعرفت الياس=ورب الكون ذا كله لااكحلها او اعميها
انا ما اطلبك تسقين لاني قد قلبت الكاس=ولو تضمى بي النفس العزيزه ما اسقيها
تبيني خاتم بكفك وانا ماقد وطيت الراس=وانزل هامتي..يابنت اموت ولا اسويها
نهيتك لاتظنين ان حالي عقبك بينحاس=كثار الي على نهجك مشو والنفس مغنيها
انا طبعي كذا من جد جدي ماعطبنا الساس=بعادك عيد وكلمه قلتها ماني بثنيها
دموعك ماتحرك من تبلد داخله احساس=واذا ودك بشوري دمعتك يابنت صونيها[/poem]

راااااااااااااااااااااااااااااااااااااااااااااااااااااائع بالفعل
لك اجمل تحية يا بو عبد الرحمن

اخي

محمد الفرحان

مرورك يسعدني وكلامك اثلج صدري

لاهنت على المرور

وصح الله بدنك



تحياتي

الاخ الفاضل

حسن الوطري


لاهنت على مرورك


وصح الله بدنك


والجايات احسن ان شالله


تحياتي

الاخ والعزيز

عوض بن شفلوت


مرورك اثلج صدري

وتعقيبك شرف

وصح الله بدنك


ولاهنت

استاذي القدير


محمد نغموش

مرورك شرف

ومالنا غنى تلميذك طال عمرك


تحياتي