عوده من بعد غياب ..... تقبلوها بحجم اشتياقي للنداوي واهله
((( وين انتي )))
((( وين انتي )))
[poem=font="Simplified Arabic,6,white,bold,italic" bkcolor="transparent" bkimage="http://www.alnadawi.com/vb/images/toolbox/backgrounds/22.gif" border="groove,4," type=1 line=0 align=center use=ex num="0,black"]
ياروح الورد وين انتي؟؟ سألك العاشق الولهان = غريقه في بحور الورد والا مركبك خانك
سألت الليل وشفاه الورود ومــــــــــرفأ الخلان = وسالت العطر يوم العطر انفاسك وميزانك
خذاك الليل في جنح الظلام وصار لك عنوان؟؟ = وانا اللي كنت مفتونك, ومجنونك, وعنوانك
اخاطبك بلغة شاعر واجاوبك بشعور انسان = ترى ياغربة سنيني نضمت الشعر من شانك
واذا كانت بحور الورد ترسم في سماك الوان = ترى نفس البحور تثير احزانك و اشجانك
واذا كان السحاب اغراك واخضرت لك الاوطان؟؟ = ونسيم ٍ داعب اهداب الورود وهز وجدانك؟؟
فترى شمس الهجير اقوى ,وترى ليل الفراق احزان = وترى مجنونك اللي يسألك شيخك وسلطانك
ياروح الورد ردي الصوت قبل يثور بي بركان = واسيل من قصيدي جمر تشعل لوعة احزانك
واذا ما انتي عرفتيني ولا دارت بك الازمان = ولا شفتي ولا سمعتي سوى اللي يطرب آذانك
انا اللي قبل ما القي القصيده واحرق الميدان = تقول الناس من فرحة غلا "صح الله لسانك"
وبيت الشعر اذا قلته "قصدته" وانظمه باتقان = وفي بالي وانا اقوله اقول "لسانك حصانك"
لأن الشعر هو تاريخ يكتب من بحر واوزان = ويسعدني اذا قالوا كفو يافخر جدانك
عموما ما قصدت اني اغير وجهة الربان = وما زال الهواء يدفع شراعي صوب احضانك
لأنك قد اسرتيني وصرتي السجن والسجان = وصرت اروع قصيده شامخه في قلب ديوانك[/poem]
[/align]
تعليق