Tweet
النداوية الاعزاء
يطيب لي التواصل معكم بهذه المتواضعة
وهي من اوراقي القديمة
اتمنى ان ترتقي لكم
.
وبسم الله
.
يطيب لي التواصل معكم بهذه المتواضعة
وهي من اوراقي القديمة
اتمنى ان ترتقي لكم
.
وبسم الله
.
[poem=font="Traditional Arabic,6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يا صاحبي وش خافيات الدعاوي=وش تحسب ان القلب يا نافل الجيل
ويش انت فيني يا اتلع الجيد ناوي =يا ابـوعيون ٍ ناعسات ٍ مظاليل
اذهـبتـني يا عين فرخ النداوي =في خرسك اللي هدت الحال والحيل
حطيت في قلبي عطيب المكاوي=واجزلت لي يا ناعس الطرف بالكيل
يا مبعـد الخطوات وين الحراوي=صدك على مثلي شقى واكبر الويل
وزرع الخفوق امسى من الصد ذاوي=لا عاد لا جتني علوم ومـراسيل
حيث ان قلبك من غلايه سناوي =وانا احسب انك لي تشيل الغلا شيل
يا بنت فيني ما تضيع الهقاوي =ما نيب انا من يقبل الحيف والميل
ما ني على طرد المقفِّين قاوي =يردني سلم الرجال المشاكيل
ولا ني على من صد واقفى ملاوي=الله ولا حب ٍ يذل الرياجيل
يا بنت لو الوضع كان متساوي =لأرخص لك الغالي وما يملك شعيل
ومدام نجمك عن سمايه نحاوي=فانا لي الله يا حسين التعازيل
والجرح له صيور وقتي مداوي=يبرى وانا اسلى والليالي مقابيل
وارجع وقلبي من هواك متشاوي=وآطى على جمر العنا والغرابيل
واسج بالقلب السقيم الشقاوي=وانت ِ لك الدنيا عساها تساهيل
تلقين و القى لي من الناس هاوي=خل ٍ يجنبني شقى القال والقيل
يمد لي حبل الغلا والرجاوي=وامد له حبل الوفاء والمواصيل[/poem]
شعيل
[/align]
تعليق