((غاااااالي والله غاااااالي ))
بسم الله ...
00000
000
0
00000
000
0
[poem=font="Simplified Arabic,6,black,bold,normal" bkcolor="transparent" bkimage="http://www.alnadawi.com/vb/images/toolbox/backgrounds/15.gif" border="double,4," type=2 line=1 align=center use=ex num="0,black"]
يافهد حالي مِثِل مانته تِشوفه= مِنْشِغِل مِن دورة الأيام بالي
والزمن ماشفْت في قلبه مروفه = والا انا رجّال ماتقصر حبالي
وارث الأمجاد من قوم معروفه = ماتورّدْها على الجرف الهيالي
لابةٍ يوم الزمن شحّت كفوفه = مدّها طال البعيد مع الموالي
والقصيد ان كان ماطوِّع حروفه = مايحسّفني ولاهو راس مالي
أجزي الطيّب بطيبه ومْعَروفه = واكره اسلوب التعجرف والتعالي
ولاطلبت من البشر نظره عطوفه = لو جرالي في حياتي ماجرالي
والفراق اللي تحدّتني سيوفه= جِعْل ماله في دروب العشق تالي
نوّخ ركابه وصفّت لي صفوفه = لين ضيّق صدْر من صدْره شمالي
والوليف اللي تسامرني طيوفه = غاب عن عيني وخلاني لحالي
انتظر رَجْعَتْه واحْري بالنكوفه = واتغنّا بالقصار وبالطوالي
ويوم جاني يشتكيلي من ظروفه = وقتها صوّتْ لِه وبْصوت عالي
ياربيع القلب ياكامل وصوفه = يارجا مِن لاعته سود الليالي
والله انّه ماعلى الدنيا حسوفه = لاجْبرت غالي على توديع غالي
وروح جِعْل الهم عينك ماتشوفه = وانت مهما غِبْت تبقى راس مالي
[/poem]
تعليق