[poem=font="Simplified Arabic,6,darkblue,bold,normal" bkcolor="white" bkimage="" border="groove,4,skyblue" type=2 line=0 align=center use=ex num="0,black"]
معي شهاده جامعيه ولاعندي عمل= اربع سنينٍ طاولتني ونا مليتها
ياليتني مارحت للمدرسه يومي طفل= كان استرحت من الشهاده ولاشليتها
واليوم ادوّج فالشوارع تقول اني خِبل= واحلامي اللي قد تمنيتها خليتها
لاون حظي قام سجلت فالنادي شبل= كان الجماهير اعشقتني ونا حبيتها
وان زانت الهجمه وسجلت فالمرمى دبل= جتني ملايين المهبّل ولارديتها
لاكن ويش اقول في حظي اللي منجطل= اعَنّزه بيدَيّ ويطيح لافكيتها
قالوا لي ان سوق الفواكه فتح باب الأمل= تلقى الدراهم فيه ياكيتها من كيتها
وقّفت فالبسطات احَرّج على ثوم وبصل= والعم بنقالي وله بدلةٍ شقيتها
يوم انه اصبح قال وين المغارف والسطل= ذي حزمة الكراث وش فيك مارشيتها
اظهر وفارقني ولاعاد لك عندي شغل= ورواتبك والله ان يجي الحول ماشديتها
واقبل علي باللوح كنه بيطرد له همَل= يبي يعاقبني على غلطة سويتها
كسرت لوحه فوق راسه وجوّدت الحبل= واربع مية جلده على غاربه عديتها
مايدري انّا ناخذ القوم في وقت الجهل= لاكن ذالدنيا قبس فوقنا كبريتها
وسافرت ادوّر للوظايف على كوكب زحل= يوم الوظايف فوق الارض انتهى تثبيتها
عينت لي ناسٍ ترحّب وترمي بالعُقل= ناسٍ تعَرفْ اسمي ونا مابعد مريتها
قدّمت معروضي عليهم ونا قلبي وجل= من ذلةٍ يظهر لي شروط ما استوفيتها
قال الزعيم اهلا وسهلا تقدم يابطل= كل الرقوم الشاغره عندنا رصيتها
نبي نحطك مستشارٍ على شون الدول= رتبة وزيرٍ والوزارات ذايع صيتها
نعطيك خمسين الف راتب ومعها اربع فلل= واربع بناتٍ كل وحده تزيّن بيتها
سميت بالله وشكرته على هذا الفضل= ذي نعمةٍ مانيب مضبوط لوكبيتها
ولاانتبهت الا ونا جالسٍ فوق الجبل= وشهادتي قدمي على الحيد قد حطيتها
عرفت بان السالفه زيف وخداع ودجل= قصه تبي تمشي ونا بالفعل مشيتها
لاكن ماينفع مقامٍ بلا قول وفعل= والنار لولا شدة البرد ماشبيتها[/poem]
معي شهاده جامعيه ولاعندي عمل= اربع سنينٍ طاولتني ونا مليتها
ياليتني مارحت للمدرسه يومي طفل= كان استرحت من الشهاده ولاشليتها
واليوم ادوّج فالشوارع تقول اني خِبل= واحلامي اللي قد تمنيتها خليتها
لاون حظي قام سجلت فالنادي شبل= كان الجماهير اعشقتني ونا حبيتها
وان زانت الهجمه وسجلت فالمرمى دبل= جتني ملايين المهبّل ولارديتها
لاكن ويش اقول في حظي اللي منجطل= اعَنّزه بيدَيّ ويطيح لافكيتها
قالوا لي ان سوق الفواكه فتح باب الأمل= تلقى الدراهم فيه ياكيتها من كيتها
وقّفت فالبسطات احَرّج على ثوم وبصل= والعم بنقالي وله بدلةٍ شقيتها
يوم انه اصبح قال وين المغارف والسطل= ذي حزمة الكراث وش فيك مارشيتها
اظهر وفارقني ولاعاد لك عندي شغل= ورواتبك والله ان يجي الحول ماشديتها
واقبل علي باللوح كنه بيطرد له همَل= يبي يعاقبني على غلطة سويتها
كسرت لوحه فوق راسه وجوّدت الحبل= واربع مية جلده على غاربه عديتها
مايدري انّا ناخذ القوم في وقت الجهل= لاكن ذالدنيا قبس فوقنا كبريتها
وسافرت ادوّر للوظايف على كوكب زحل= يوم الوظايف فوق الارض انتهى تثبيتها
عينت لي ناسٍ ترحّب وترمي بالعُقل= ناسٍ تعَرفْ اسمي ونا مابعد مريتها
قدّمت معروضي عليهم ونا قلبي وجل= من ذلةٍ يظهر لي شروط ما استوفيتها
قال الزعيم اهلا وسهلا تقدم يابطل= كل الرقوم الشاغره عندنا رصيتها
نبي نحطك مستشارٍ على شون الدول= رتبة وزيرٍ والوزارات ذايع صيتها
نعطيك خمسين الف راتب ومعها اربع فلل= واربع بناتٍ كل وحده تزيّن بيتها
سميت بالله وشكرته على هذا الفضل= ذي نعمةٍ مانيب مضبوط لوكبيتها
ولاانتبهت الا ونا جالسٍ فوق الجبل= وشهادتي قدمي على الحيد قد حطيتها
عرفت بان السالفه زيف وخداع ودجل= قصه تبي تمشي ونا بالفعل مشيتها
لاكن ماينفع مقامٍ بلا قول وفعل= والنار لولا شدة البرد ماشبيتها[/poem]
[/align]
الصايرة اون لاين
تعليق